Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
AKTUALITET
"Katër vjet që më larguan nga Teatri Kombëtar Eksperimental", Kiço Londo: Ne bënim art që të mos vdisnim nga e vërteta! Ndihem i keqardhur që nuk po na zëvëndësojnë dot
n.fPërditësimi i fundit 15 Dhjetor 2024, 20:44
Kiço Londo
TIRANË- Ish-drejtori i Teatrit Kombëtar Eksperimental “Kujtim Spahivogli", Kiço Londo ka reaguar së fundmi në lidhje me largimin e tij nga teatri. Regjizori kujton se sot mbushen plot katër vite që kur e larguan nga Teatri Kombëtar Eksperimental ndërsa shton se i kishin thënë se duan ti japin një ritëm të ri.
Londo shkruan se përpara pesë vjetësh Teatri Eksperimental bënte 487 shfaqje në stinën teatrore dhe realizonte 7 premiera për fëmijë. Ai më tej thekson se ata realizonin 10 premiera e bashkëpunime për të rritur e adoleshentë. Regjizori thekson se teatri sillte dy regjisorë të huaj me emër çdo stinë teatrore dhe realizoi 70.000 spektatorë në stinë.
Në reagimin e tij ai gjithashtu ka 20 pika se çfarë humbi bota e teatrit në Shqipëri për katër vjet. Në këto pika ai listoi se bota e teatrit humbi 50 premiera të reja për fëmijë, adoleshente, të rritur si dhe mbi 100 aktorë më shumë të aktivizuar. Ai theksoi se ata bënin art që të mos vdisnin nga e vërteta. Regjizori gjithashtu tha se ndihet i keqardhur që nuk po i zëvëndësojnë dot.
Reagimi i plote:
"E REJA" QË SU BË DOT "E VJETËR". Sot u mbushën katër vjet që më larguan nga Teatri Kombëtar Eksperimental. "Duam ti japim një ritëm të ri", më thanë. Përpara pesë vjetësh Teatri Eksperimental bënte 487 shfaqje në stinën teatrore. Realizonte 7 premiera për fëmijë. Dhe 10 premiera e bashkëpunime për të rritur e adoleshentë. Sillte dy regjisorë të huaj me emër çdo stinë teatrore. Realizoi 70.000 spektatorë në stinë. Ngrinte nga e para një sallë moderne e të rrallë cdo dy vjet.
Çfarë humbi bota e teatrit në Shqipëri për katër vjet.
1 - Dy salla të reja teatri me 300 ndënjëse. 2 - 50 premiera të reja për fëmijë, adoleshente dhe të rritur. 3 - Mbi 100 aktorë më shumë të aktivizuar. 4 - 10 regjisorë të huaj me emër në teatrin evropian. 5 - Mbi 700 kostume artistike, plot fantazi, të stilit magjik Sofi Kara. 6 - Mbi 50 dekore superfunksionale, të stilit brilant Beqo Nanaj. 7 - Grimin profesional të sharmantit Juri Gjoka. 8 - Më shumë se 4 botime teorike të huaja të domosdoshme. 9 - Mbi 300.000 spektatorë të pafajshëm. 10 - Dyer të hapura të sallave për këdo, pa qera. Punë e prova deri në mesnatë, pa patur asnjë ditë të javës pa dy shfaqje. 11 - Çdo punonjës i Teatrit Eksperimental, rreth 15 shpërblime mbi pagë. Festa ditëlindjesh plotë magji. 12 - Nga shitja e biletave, më shumë lekë se fondi vjetor që teatri merrte për projekte artistike. 13 - Figura artistike të rralla, plot finesë e përcaktuese nga Laura Nezha, Ervin Bejleri, Ermira Hysaj, Alert Çeloaliaj, Alfred Trebicka, Romir Zalla, Dasara Xhangolli, Mateo Dervishaj. 14 - Shfaqjet e mrekullueshme për fëmijë, të Endri Çelës, Ina Morinës, Ledian Gjeçit, Françeska Hysit, Marsel Grevës, Dajana Nenajt, Sara Smajës, Xhuliano Briskut. 15 - Startin Eksperimental të regjisë së Endri Çelës në shfaqjet për adoleshentë dhe të rritur. 16 - Angazhimet vërshyese si aktore, përkthyese dhe qytetare të Adriana Tolkës. 17- Startin e 4 - 5 regjisorëve të rinj të tjerë, të sigurt në karierën e tyre. 18 - Mikrobin e gjallë të atmosferës humaniste, që ekipi mbështetës: Ada, Sava, Kela, Silvi, Dori, Klea, Gjoni, Kalisi, Fredi, Edri, Marsela, Besiana, Alma , Baja, Landi, Tila, sillte në punët marramëndëse. 19 - Orkestrimin që Teatri Eksperimental i bënte jo vetëm hapsirës teatrore duke realizuar 60% të shfaqjeve në vend, por ishte fari kombëtar për dashuri, ndjeshmëri, shpirt, zemër, punë, cilësi, rezultate, atmosferë, komunikim. 20 - Utopitë tona që ishin realitetet e të nesërmes. Ne bënim art që të mos vdisnim nga e vërteta. Jam shumë krenar dhe mirnjohës për bashkëpuntorët e mi, që ja dolëm, por ndihem i keqardhur që nuk po na zëvëndësojnë dot. #rroftëteatri.
