Bordi i Transparencës ka vendosur sot (4 qershor) çmimet e reja për shitjen e karburanteve në treg.
Sipas njoftimit, nafta ësht&eu...
AKTUALITET
Konfilkti i djeshëm në Fushë-Milot/ Policia: Nuk janë gjetur sende që mund të shërbejnë si provë materiale! Dy persona po procedohen në gjendje të lirë
m.lPërditësimi i fundit 12 Maj 2025, 17:06
MILOT- Ditën e djeshme është raportuar për një konflikt verbal mes dy personave në Fushë-Milot afër një qendre votimi. Mësohet se 58-vjeçari A.N dhe 67-vjeçari P.P janë konfliktuar për motive të dobëta. Më tej policia njofton se në vendin e ngjarjes nuk janë gjetur sende që mund të shërbejnë si prova materiale. Gjithashtu bëhet me dije se janë proceduar në gjendje të lirë dy personat e përfshirë në këtë incident dhe mbi to rëndon vepra penale 'dëmtime të tjera me dashje'.
“Në vijim të informacionit paraprak të dhënë dje pasdite, për një konflikt verbal mes disa shtetasve në Fushë-Milot, bëjmë me dije se janë identifikuar shtetasit e përfshirë në këtë konflikt, A. N., 58 vjeç dhe P. P., 67 vjeç, të dy banues në Milot. Nga hetimet dyshohet se ata janë konfliktuar me njëri-tjetrin, për motive të dobëta. Gjatë këqyrjes së vendit të ngjarjes nuk janë gjetur sende që mund të shërbejnë si provë materiale. Në vijim të veprimeve u referuan materialet në Prokurori ku nisi procedimi në gjendje të lirë për shtetasit A. N. dhe P. P., për veprën penale “Dëmtime të tjera me dashje”.
