Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
AKTUALITET
Kontrabandoi nga Greqia veshje me vlerë 100 mijë euro, përfundon në pranga shoferi i autobusit
PiranjatPërditësimi i fundit 24 Tetor 2025, 09:17
Policia ka goditur një tjetër rast të kontrabandës, duke arrestuar shoferin e një autobusi që vinte nga Greqia. Shtetasi me inicialet N. Z., 54 vjeç, banues në fshatin Neviçisht të Korçës, u ndalua pasi u zbulua se në autobus ishin transportuar veshje të dyshuara për kontrabandë.
Gjatë kontrollit, ata gjetën veshje të cilat nuk ishin të pajisura me fatura blerjeje dhe që kishin një vlerë totale prej 100 mijë euro.
Njoftimi i policisë:
Policia Kufitare intensifikon kontrollet për parandalimin dhe goditjen e paligjshmërive në kufi.
Goditet një tjetër rast i kontrabandës.
Kontrabandoi veshje nga Greqia, arrestohet në flagrancë, gjatë transportimit të tyre, 54-vjeçari, shofer autobusi. Sekuestrohen veshjet e kontrabanduara, që kapin vlerën rreth 100 mijë euro.
Në vijim të kontrolleve sistematike dhe atyre të bazuara në informacionet policore të marra në rrugë operative, shërbimet e DVKM Korçë, në hyrje të RSh-së, në PKK Kapshticë, kaluan për kontroll në vijën e dytë autobusin me drejtues shtetasin N. Z., 54 vjeç, banues në fshatin Neviçisht, Korçë.
Nga kontrolli, në autobusin që ky shtetas drejtonte, janë gjetur veshje të dyshuara të kontrabanduara nga Greqia, pasi nuk ishin të pajisura me fatura blerjeje.
Në vijim të veprimeve procedurale, u arrestua në flagrancë shtetasi N. Z., 54 vjeç, për veprën penale “Kontrabanda me mallra të tjera”.
Materialet procedurale iu referuan Prokurorisë së Korçës, për veprime të mëtejshme.
