Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
AKTUALITET
Kultivuan tonelata me kanabis, kush janë 9 të dënuarit përfshirë gra (emrat)
PiranjatPërditësimi i fundit 26 Nëntor 2025, 16:47
GJKKO ka dhënë dënimet për një grup kriminal që merrej me kultivimin e lëndëve narkotike. Me vendim të GJKKO dënohen:
Pjetër Gjoni – 7 vite e 4 muaj burgim Danjela Hasani – 6 vite e 8 muaj burgim Arian Popa – 8 vite burgim Arben Uruçi – 6 vite e 8 muaj burgim Ardjan Tahiri – 6 vite e 8 muaj burgim Samet Dahati – 6 vite burgim Izmir Dahati – 6 vite burgim Ermis Sela – 6 vite burgim Afrim Dahati – 6 vite burgim
Sipas Prokurorisë së Posaçme, faktet kriminale të hetuara në kuadër të këtij procedimi penal kanë të bëjnë me ngjarjen e datës 17.06.2022, të ndodhur në territorin administrativ të fshatit Vallas, Njësia Administrative Oblik.
Në këtë territor, nga ana e punonjësve të policisë së Komisariatit të Policisë Shkodër dhe Drejtorisë Vendore të Policisë Shkodër, rreth 100 metra largësi nga Xhamia e fshatit Vallas, janë konstatuar parcela të mbjella me bimë narkotike të llojit “Cannabis Sativa”, në total 32.000 rrënjë.
Gjithashtu, gjatë kontrollit të ushtruar në ambientet e përshtatuara për shërbimin e kësaj bime është konstatuar në proces tharje material bimor në formë boçeje, me aromë dhe karakteristikë si ajo e lëndës narkotike “Cannabis Sativa”.
“Ky material bimor, pas peshimit rezultoi në total 112.55 kg. Në vazhdim të kontrollit janë gjetur gjithashtu edhe bimë të prera në proces tharje, me peshë 130 kg. Në total, lënda e tharë e gjetur në vendin e ngjarjes ka rezultuar të jetë 246.05 kg”, thotë SPAK.
