Plagoset me thikë një person në Tiranë. Mësohet se i plagosur ka mbetur shtetasi i identifikuar si Dritan Aga.
Ngjarja ka ndodhur n&...
AKTUALITET
Kushëririt të Ergys Agasit i shtohen të tjera akuza. Çfarë bëri ai në kantinën miliona euro pas kontrollit të agjentëve të BKH
PiranjatPërditësimi i fundit 21 Dhjetor 2025, 11:20
Detaje të tjera kanë dalë në dritë pasi u shpall në kërkim Eno Agasi, kushëriri i Ergys Agasit.
Ai akuzohet “veprime që pengojnë zbardhjen e së vërtetës”, “kontrabandë e mallrave që paguajnë akcizë dhe “magazinim i mallrave që paguajnë akcizë” si dhe për pastrim parash.
Eno Agasi rezulton të jetë kushëriri i Ergys Agasit, ky i fundit i shpallur në kërkim në kuadër të hetimeve nga SPAK për operacionin e gjerë në AKSH-in, duke u akuzuar për krijimin e grupit të strukturuar kriminal brenda institucionit.
Sipas hetimeve, kur hetuesit e BKH shkuan në banesën e Agasit zbuluan një kantinë me verë, koleksione të rralla, dhe sipas procedurës ata njoftuan Drejtorinë e Doganave për shkak se vera ishte kontrabandë.
Doganat bënë inventarin përgjatë disa orëve dhe përllogaritën një dëm prej 400 mln lekësh shkaktuar buxhetit të shtetit nga mospagimi i akcizës.
Për shkak se ishte natë dhe nuk mund të bëhej transporti, malli u la në ruajtje në vilë. Gjatë natës Eno Agasi e ka hequr verën dhe më pas serverin e kamerave të sigurisë. Kur furgonat e Doganës kanë shkuar për ta marrë mallin, kanë konstatuar se produktet nuk ishin në kantinë.
