Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
AKTUALITET
Mbytja e Alma Arrazit dhe 3 fëmijëve në lumin Buna, Prokuroria kërkon 6 vite burg për Erdgys Arrazi
b.zPërditësimi i fundit 3 Shkurt 2025, 10:36
Erdgys Arrazi, Alma Arrazi
SHKODËR - Prokuroria e Shkodrës ka mbyllur hetimet dhe ka kërkuar 6 vite burg për Erdgyz Arrazin, bashkëshorti i Alma Arrazit e cila u mbyt duke u hedhur në ujërat e lumit Buna, bashkë më 3 fëmijët e saj të mitur. Sipas prokurorisë, Alma Arrazi ka ndërmarrë aktin ekstrem së bashku me fëmijët për shkak të dhunës së vazhdueshme psikologjike, shfaqur në formën e ofendimeve të vazhdueshme dhe tradhtisë bashkëshortore nga ana e partnerit të saj Ergys Arrazi, duke prekur rëndë dinjitetin e saj.
Organi i akuzës ka kërkuar që dënimi të ulet në 4 vite sepse Arrazi ka pranuar gjykimin e shkurtuar. Sipas prokurorisë Erdgys Arrazi ka kryer sjellje që diskretitojnë dinjitetin e Alma Arrazit duke e detyruar atë të vetëvritet dhe të mbysë edhe tre fëmijët e saj.
Lidhur me të miturit është regjistruar nga prokuroria akuza për vrasje për shkak të cilësisë së veçanta të viktimës ndërsa është përjashtuar që të ketë patur persona të tjerë të përfshirë. Për këtë arsye kjo akuzë është pushuar nga organi i akuzës pasi sipas hetimeve ka rezultuar se autor për vrasjen e tre fëmijëve është nëna e tyre që vendosi t’i japë fund jetës bashkë me tret ë vegjlit e saj. Për shkak të ndarjes nga jeta të nënës kjo akuzë e dytë është pushuar nga prokuroria e Shkodrës. Pas përfundimit të hetimeve nga prokuroria dhe kërkesës për 6 vite burg për Erdgys Arrazin i ulur në 4 vite për shkak të gjykimit të shkurtuar, pritet që avokatët të paraqesin mbrojtjen e tyre dhe pas palës mbrojtëse gjykata e shkallës së parë në Shkodër pritet që të japë edhe vendimin e saj lidhur me këtë ngjarje.
Ngjarja e rëndë ndodhi më 4 prill të vitit të kaluar ku 39-vjeçarja Alma Arrazi dhe 3 fëmijët e saj, të moshave 9, 8 dhe 3-vjeç gjetën vdekjen në ujërat e lumit Buna. Dyshohet se akti u ndërmor nga Alma Arrazi, nëna, pasi jeta e saj në çift dhe familje po haste vështirësi, me bashkëshortin i cili kishte krijuar një lidhje jashtë martesore. Për gjetjen e trupave atë kohë u deshën disa ditë dhe punë intensive kërkimore nga ana e autoriteteve shqiptare.
