Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
“Çmendet” 59-vjeçari Shkambi në Shkodër, godet disa herë me kosore një burrë dhe i thyen krahun
PiranjatPërditësimi i fundit 18 Tetor 2025, 10:18
Një 59-vjeçar ka rënë në prangat e policisë pasi ka qëlluar me kosore një person. Sherri mes tyre ka nisur në një lokal në qendër të Bushatit.
Policia e ka arrestuar atë, ndërsa 39-vjeçari ka marrë dëmtime në kokë dhe pjesë të ndryshme të trupit. Policia tha se ka arrestuar shtetasin Besnik Shkambi.
Njoftimi:
Shërbimet e Komisariatit të Policisë Vau i Dejës, ditën e djeshme, pas marrjes së njoftimit se në ambientet e një lokali, në qendër të Bushatit ka pasur një konflikt për motive të dobëta, ku shtetasi B. Sh. kishte goditur me mjet prerës (kosore) një shtetas, kanë organizuar menjëherë punën për kapjen e autorit, si dhe për sqarimin e rrethanave.
Si rezultat i veprimeve të shpejta operacionale, u bë i mundur arrestimi në flagrancë i shtetasit B. Sh., 56 vjeç, banues në fshatin Mali i Jushit.
Nga veprimet hetimore, dyshohet se shtetasi P. V., 39 vjeç, është dëmtuar në kokë dhe në pjesë të ndryshme të trupit dhe ka pësuar frakturë (thyerje) në krahun e djathtë, pasi është goditur me mjet prerës (kosore) nga shtetasi B. Sh., gjatë një konflikti për motive të dobëta.
Mjeti prerës (kosore) u sekuestrua në cilësinë e provës materiale. Shtetasi P. V. vijon të jetë në kujdesin e mjekëve, jashtë rrezikut për jetën. Materialet procedurale i kaluan Prokurorisë, për veprime të mëtejshme.
