Pak ditë para nisjes së vitit të ri shkollor, Drejtori i Përgjithshëm i Policisë së Shtetit, Skënder Hita, zhvilloi nj...
AKTUALITET
Meta sfidon SPAK-un: Do të thërrasim 100 dëshmitarë të tjerë, edhe McGonigal do pyetet
PiranjatPërditësimi i fundit 19 Qershor 2026, 13:55
Ilir Meta ka reaguar në lidhje me gjyqin që po zhvillohet ndaj tij dhe bashkëshortes Monika Kryemadhi.
Me anë të një postimi në Facebook, Meta shprehet se mirëpresin 100 dëshmitarët e thirrur nga SPAK, ndërsa bën të ditur se ata vetë do të kërkojnë dëshminë e rreth 100 personave të tjerë, duke përfshirë diplomatë dhe zyrtarë amerikane.
Ai thekson se ftesë të veçantë do të ketë për të gjithë aksionerët dhe drejtorët e DIA-s së Uashingtonit, si edhe për drejtuesit e McKeon Group, përfshi edhe avokatin greko-amerikan Fidetzis.
“Koha e deduksioneve mbaroi, gati për të bërë hetimet që nuk ndodhën për 8 vjet!
Mirëpresim rreth 100 dëshmitarët e thirrur nga Prokuroria e Posaçme dhe veçanërisht tre super-kallëzuesit.
Edhe ne do të kërkojmë rreth 100 dëshmitarë të tjerë, nga të cilët rreth 40 shtetas të huaj, kryesisht qytetarë, diplomatë dhe zyrtarë amerikanë, përfshirë të gjithë përfaqësuesit e kompanive lobuese që kanë bërë kontrata me LSI.
Ftesë të veçantë do të ketë për të gjithë aksionerët dhe drejtorët e DIA-s së Uashingtonit, si edhe për drejtuesit e McKeon Group, përfshi edhe avokatin greko-amerikan Fidetzis”, shkruan Meta.
Presidenti i Partisë së Lirisë shkruan se edhe Charles McGonigal do ti drejtohen disa pyetje me anë të letërporosive.
“Për shkak të pamundësisë së Charles McGonigal për t’u paraqitur personalisht në gjykatë, i cili po bën burg në SHBA për Edi Ramën dhe po vuan për dëmin katastrofik që u bëri marrëdhënieve shqiptaro-amerikane, do t’i drejtojmë edhe atij përmes gjykatës një sërë pyetjesh përmes letërporosive”, shkruan Meta.
