Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
AKTUALITET
Misteri për vrasjen Alba Cenkos në Greqi/ Fqinjët e çiftit të shokuar: Kanë gisht si familje edhe e ëma e Kastriotit...
ZH.LLPërditësimi i fundit 9 Dhjetor 2024, 14:36
viktima-autori
GREQI- Vrasja e 32-vjeçares Alba Cenko nga bashkëshorti i saj në mënyrë makabre, ka lënë të shokuar edhe fqinjët e tyre në Shqipëri, të cilët i njihnin prej kohësh. Emisioni “Me Zemër të Hapur” shkoi në fshatin ku jetonte çifti në periudhën që ata banonin në Shqipëri.
Të tronditur nga ngjarja, fqinjët thanë se çifti ishte shpërngulur rreth 8 vite më parë në Greqi. Ata shprehen se i njihnin si njerëz të rregullt, teksa për viktimën thanë se ishte njeri i mirë dhe i komunikueshëm.
Ata shprehen se e morën vesh lajmin nga televizori dhe kanë mbetur të tronditur pasi nuk kishin dëgjuar më parë për konflikte mes tyre. Njëra prej tyre ngre dyshimet se në ngjarje kanë gisht të gjithë si familje, duke përfshirë edhe të ëmën e Kastriotit. Madje, rrëfejnë se nëna e autorit kishte vizituar çiftin një javë para se të ndodhte ngjarja.
Dëshmitë e fqinjëve:
–Xhelozia në atë rrugë të çon. Ne për sa i njohim i njohim shumë të rregullt si njerëz. Kishin 8 vite që ishin larguar në Greqi. Këtu punonin në bujqësi. Alba ishte nga Lushnja. Të tërë u shokuam. Ajo si njeri ishte shumë e rregullt e komunikueshme me tërë njerëzit. Për herë të fundit ishin këtu para 1 apo dy muajsh. Në dijeninë tonë kanë pasur marrëdhënie të mirë bashkëshortore. Ishte gjithçka e paimagjinueshme. Vrasje familjare. Ka qenë e paramendueshme. Ai do ta ketë menduar më përpara këtë. Më mirë ndaje se sa të vrasësh.
–Janë shumë njerëz të mirë, por si e bëri ai djali nuk ka bërë mirë. Nuk e donte, ta linte, jo ta vriste. Ishte vajzë e shkëlqyer. Para ca ditësh gruaja ime takoi të ëmën e atij, do ikim do bëjë vitin e ri nga fëmijët. Ky ishte i vogli, më duket se ky i kishte në ngarkim prindërit. Kanë qenë njerëz të shkëlqyer, të mirë, të butë. Më vjen shumë keq. Jemi shumë të mërzitur.
-Kanë gisht të tërë ata, si vëllezërit, si e ëma. Sa vajti ajo atje…qysh ee…po që e kanë në rreth brenda, dy çunat që janë atje, ajo që është atje…
–Nga televizori morëm vesh lajmin. Më vjen shumë keq. Nuk e di se si ndodhi. Mirë kanë qenë nuk kanë pasur konflikte. Po bëhet një javë që shkoi në Greqi e ëma e Kastriotit, do ta merrnin çunat andej. Ikte ajo ço vit, ikte të çunat.
