Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
AKTUALITET
"Mora hakun e mikut tim Klevis Kapllani", Dumani në GJKKO: Bujar Çelën doja ta vrisja me armën që më dhuroi i vëllai! Nuk u shkrep, i thashë Xhixhës të qëllonte
n.fPërditësimi i fundit 16 Janar 2025, 15:00
Dumani
TIRANË- I penduari i drejtësisë, Nuredin Dumani ka dëshmuar ditën e sotme në GJKKO për vrasjen e Bujar Çelës, vëllai i Talo Çelës. Gjatë dëshmisë së tij Dumani rrëfeu për ngjarjet kriminale që u hetuan nga SPAK në kuadër të operacionit “Plumbi i Artë”. Ai u shpreh se në krim mori pjesë me Besmir Xhixhën dhe Enver Divën.
Dumani dëshmoi se diçka nuk shkoi me armën e tij dhe nuk qëlloi, ndonëse kishte në fakt dy armë. Ai shtoi se arma nuk u shkrep dhe se i tha Xhixhës të qëllojë. Dumani tha se armën e dytë nuk e përdori se nuk donte ta bënte pis.
“Kisha dy armë. Njërën e kisha për ta përdorur në vrasjen e Bujar Çelës, tjetrën e mbaja si zakonisht për vetëmbrojtje dhe nuk e përdorja në ngjarje. Tentova ta qëlloj Bujarin, por arma nuk më shkrepi. I thashë Xhixhës të qëllonte se nuk po më shkrepte. Nuk e përdora armën e dytë, sepse nuk doja ta bëja pis”.
Bujar Çela u vra më 17 shtator të vitit 2020. Dumani shprehet se shkak ishte bërë vrasja e mikut të tij Klevis Kapllani, për të cilën dyshohej se ishte kryer nga Talo Çela dhe vëllezërit Manhasa. Dumani thotë se ai bashkë me Enver Divën dhe Besmir Xhixhën pasi kishin marrë informacion nga Eljo Bitri, ishin nisur drejt shtëpisë së Bujar Çelës, por nuk kanë mundur ta kryejnë aty ekzekutimin, pasi u pikasën nga një person që nuk e njihte, dhe u larguan.
Por nga informacionet që kishte e dinte se Bujari e pinte kafen në një lokal ku ndalonin autobusët që niseshin për Greqi, dhe sapo e ka parë drejt tij është nisur Enver Diva, i cili ka qëlluar mbi Bujarin, por ai ishte ende gjallë. Dumani është afruar dhe ka nxjerrë pistoletën të cilën ja kishte bërë vetë dhuratë Talo Çela, por ajo nuk i ka shkrepur. Ai më pasi i ka kërkuar Besmir Xhixhës të zbriste nga makina dhe të qëllonte mbi Bujarin me një pistoletë 9 mm. Pas vrasjes ata janë larguar në drejtim të Fushë-Krujës ku kanë djegur makinën që kishin përdorur për të kryer vrasjen, ndërsa armët i kishin hedhur në një kanal në Plepa në Durrës.
