Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
Nata e ndërrimit të viteve/ Nga tryeza ne ushqime te bestytnitë, ja traditat dhe ritet që ndjekin shqiptarët mbrëmjen e 31 dhjetorit
M.B.Përditësimi i fundit 31 Dhjetor 2024, 18:00
TIRANA- Nata e ndërrimit të viteve është një festë që bën bashkë anëtarët e familjes dhe njerëzit më të dashur. Në anë të ndryshme të botës, njerëzit e festojnë këtë natë me mënyra të ndryshme, por të gjithë besojnë se dëshirat e tyre do të realizohen në vitin e ri. Nata e vitit të ri edhe te shqiptarët festohet ndryshe ku ka disa tradita të cilat na dallojnë nga të tjerët. Mëposhtë disa nga traditat dhe ritet që ndiqen në Shqipëri natën e ndërrimit të viteve:
Tryeza plot me ushqime, veçanërisht mish
Natën e vitit të ri, tryeza duhet të jetë e mbushur plot e përplot. Nuk mjafton nëse gjeli i detit ndodhet mbi tryezë, pasi zakonisht blihen edhe dy-tre lloje të tjera mishi.
Bakllava
Ëmbëlsira me e preferuar e tryezës përgatitet shumë ditë para festës. Disa zonja ende preferojnë ta gatuajnë vetë, disa të tjera ua besojnë furrave dhe bëhet fjalë për bakllavanë. Por sigurisht ka nga ata të cilët nuk e preferojnë këtë ëmbëlsirë dhe orientohen te diçka tjetër.
Pijet
Në tryezë nuk mungojnë pijet alkoolike, pije me gaz, pa gaz apo energjike. Nuk ka rëndësi nëse do të pihen apo jo, e rëndësishme të jene aty.
Pastrimi i shtëpisë
Çdo cep shtëpie, dhomat, çdo orendi duhet pastruar. Viti i ri duhet të gjejë çdo shtëpi të pastër.
Fishekzjarret
Hedhja e fishekzjarreve në orën 00:00 kryesisht nga fëmijët përbën pikën kulminante të mbrëmjes duke shënuar dhe ndërrimin e viteve.
Leku në byrek
Një tjetër traditë, byreku me lekun e fshehur. Momente sa argëtuese e qesharake që i shtojnë gëzim tryezës familjare.
Kush do të hyjë i pari në shtëpi?
Thonë që kur të hyn një djalë i vogël në shtëpi, viti do të shkojë mbarë. Akoma më shumë, shqetësimi më i rëndësishëm, të hyj me këmbën e djathtë. Një traditë që vështirë të zbehet.
