Ish zv/kryeministri bën akuza të forta ndaj kryeministrit Rama duke deklaruar se Rama ka firmosur 'Eko Parkun' për të marrë para fë...
AKTUALITET
Nga Kolumbia në Shqipëri, historia e eskortës 20-vjeçare: Kam klientë policë dhe zyrtarë
PiranjatPërditësimi i fundit 24 Qershor 2026, 21:46
Dikur një vend që eksportonte, sot, Shqipëria është shndërruar në një destinacion të punonjëseve të seksit. Aksionet e shpeshta policore kundër prostitucionit, zbulojnë parajsën e re të atij që ironikisht konsiderohet si zanati më i vjetër. Vajzat të cilat e gjejnë vetën në këtë rrugë janë të ndryshme. Disa pretendojnë se janë mashtruar dhe kanë ardhur në Shqipëri për punë të ligjshme. Por, më pas kanë përfunduar si eskorta. Pjesa tjetër, e bëjnë me dëshirë.
“Unë jam 20 vjeçe. Vij nga Kolumbia. Në Shqipëri vetëm 3 javët e para kam gëzuar liri të plotë, më pas kam qenë në burg për 7 muaj dhe 10 ditë”, u shpreh eskorta.
Kjo vajzë e re që flet sapo ka lënë qelinë e burgut. Në gjendje dukshëm të rëndë psikologjike, pranon të tregojë historinë e saj në vendin tonë.
“E njoha Shqipërinë nga një vajzë që fola dhe më ofroi punë. Ajo më pagoi biletën. Kur erdha u gjeta me një surprizë të keqe, pasi puna që mu ofrua nuk ishte legale, normale. Më mori vajza një taksi nga aeroporti. Më çoi në një dhomë, ku ishin dhe vajza të tjera dhe më tha se duhet të punoj si prostitutë. Më shpjegoi se duhet dhe unë të dedikohesha te kjo punë. Unë isha në kushte të pafavorshme ekonomike dhe mu desh të pranoja këtë punë që më dhanë“, u shpreh eskorta.
Në momentin që ka ardhur në Shqipëri, vajza kolumbiane e ka gjetur veten në një kurth të pakthyeshëm sipas saj. Kur e pyesim nëse kishte dijeni për punën e vërtetë që do bënte, ajo tregohet e prerë…
“Jo, më sollën këtu me gënjeshtra. Ajo ishte nga Kolumbia dhe folëm. Më shkruajti, pasi ishte Kolumbiane. Më shkruajti dhe më tha se nëse doja të punoja jashtë vendit. Ajo kishte vënë re që isha me ekonomi të dobët dhe që e vogël kam jetuar vetëm. Gjithmonë kam dashur të studioj e punoj”, u shpreh eskorta.
Në fakt, një ndër arsyet kryesore që i shtyn këto vajza që të gjenden në situata të tilla janë dhe kushtet e vështira ekonomike. Vajzat që rekrutohen vijnë kryesisht nga shtete me nivel të ulët jetese.
“Eskortat që vijnë nga jashtë, nga vende si Kolumbia, Filipinet, vende që nuk kanë shumë ekonomi. Vajza që vijnë nga vende që janë shumë të varfra. Vijnë dhe operojnë dhe në shtetin shqiptar, madje dhe nëse shfrytëzohen. Kjo ka dalë si modë dhe janë joshur”, u shpreh avokati, Esmerald Xhafa.
Kjo vajzë 20-vjeçare kolumbiane, në momentin që ka ardhur në Shqipëri e ka gjetur veten krejtësisht të pambrojtur. E gjendur në një vend të huaj, pa asnjë mbrojtje dhe pa ushqim. Pra, pa mundësi zgjedhje…
“Në momentin që erdha në Shqipëri. Ata filluan të më sillnin klientë, persona që paguanin për shërbime seksuale”, u shpreh eskorta nga Kolumbia.
Ajo, thotë se ishte ndjerë e detyruar të pranojë një numër të madh klientësh. Shpesh, kërkesat e klientëve ishin sfilitëse. Ata, tregoheshin të dhunshëm…
“Rreth 3 javë sa më arrestuan. Nuk di të them fiks, por mund të them përafërsisht, 80-100, ndoshta diçka më shumë. Kishte ditë më shumë se 5, prandaj nuk di të them me saktësi një numër. Unë ofroja ato shërbime që më detyronin të ofroja ata njerëz që më paguanin. Nga ana e klientëve që ishin agresivë dhe që ishin të pirë me substanca narkotike’ u shpreh vajza nga Kolumbia Vajza tregon se në atë punë, është trajtuar se send pa vlerë nga mjaft klientë. Ky aktivitet, kryhet nën hundën e njerëzve të ligjit që shpesh, janë bërë klientët e radhës për vajzën kolumbiane…”
“Mund të them nga kuptimi im, pasi asnjëri nuk fliste për gjërat vetjake, Kishte njerëz shumë elegante, që mund të ishin administratë publike. Dy prej tyre më kanë thënë që janë policë dhe u pëlqente të rrinin me vajza. Dy policët kanë paguar shërbimin dhe janë sjellë si persona normalë. Në momentin pas arrestimit, ata thanë version tjetër”, u shpreh vajza nga Kolumbia./tch
