Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
"Ngrohen, shpëlahen aty", të shtënat me armë zjarri në Durrës, babai mbante peng fëmijët, dëshmia e banorëve: Kishin 1 muaj këtu
M.B.Përditësimi i fundit 15 Maj 2024, 10:41
Foto nga vendi i ngjarjes
DURRËS- Banorët në Durrës thonë se fëmijët kishin 1 muaj që qëndronin në atë apartament në zonën e Shkëmbit të Kavajës ku u raportua se babai i tyre Aleks Marku ka qëlluar me armë zjarri dhe i ka mbajtur peng ata.
"Fëmijët kanë një muaj këtu. Ngrohen, shpëlahen aty, lër rroba këtu, lër rroba atje. I kemi parë fëmijët që dalin andej," thonë banorët.
Më parë një ngjarje e pazakontë është regjistruar në Durrës ku rreth orës 02:20, policia është njoftuar se dëgjoheshin të shtëna me armë zjarri në ambientet e një pallati, në një apartament të lëshuar me qira, pranë zonës së quajtur “Shkëmbi i Kavajës”.
Mësohet se policia ka mbërritur në vendin e ngjarjes dhe nga veprimet e para rezultoi se banesa nga ku qëllohej me armë zjarri, ishte marrë me qira javore, nga 40-vjeçari me inicialet A. M., banues në Lezhë. Ky i fundit dyshohet se brenda banesës mbante peng 2 fëmijët e tij të mitur, 6 dhe 11-vjeç.
Po ashtu bëhet me dije se Policia e Durrësit kërkoi ndihmën e Repartit Special “RENEA”, pasi duhej ndërhyrje e specializuar për të mos rrezikuar jetën e fëmijëve në banesë dhe të punonjësve të policisë. Me të mbërritur në vendin e ngjarjes forcat “RENEA”, i kanë bërë thirrje 40-vjeçarit që të dorëzohej, por ai vijoi të qëllonte nga dritarja e apartamentit.
Pas disa orësh negociata, nën masa të larta sigurie, u bë i mundur neutralizimi dhe kapja e 40-vjeçarit të cilit në banesë iu gjet një armë zjarri kallashnikov, një krehër me fishekë, si dhe 18 gëzhoja në brendësi të banesës. Gjithashtu bëhet me dije se 2 fëmijët u nxorrën në gjendje të mirë shëndetësore dhe po iu jepet asistencë me psikologë.
