Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
“Solidarizohemi me studentët”, “Duam një të ardhme më të sigurt” dhe “Studentët bashkohen, shteti ...
AKTUALITET
Një 'dhuratë e helmuar' për ushtrinë, Meçollari: Prapaskena e ‘ndihmës’ me tre anije nga italia
PiranjatPërditësimi i fundit 14 Nëntor 2025, 09:19
Marrëveshja e fundit me Italinë për dhurimin e tre anijeve patrulluese për Forcën Detare Shqiptare po ngre pikëpyetje serioze mbi kostot dhe qëllimet e saj të fshehura. Eksperti i sigurisë dhe ish-shefi i Shtabit të Lartë të Forcave të Armatosura, Artur Meçollari, gjatë një interviste në emisionin e mëngjesit Kafe Shqeto në Syri tv, ka ngritur alarmin se kjo lëvizje, në dukje bujare, mund të jetë një “marifet” që fsheh një barrë të madhe financiare për Shqipërinë.
Sipas Meçollarit, “djalli fshihet në detaje”. Ai thekson se Shqipëria prej rreth 20 vitesh ka ndjekur një politikë të qartë për të mos pranuar anije të vjetra, duke u fokusuar në modernizimin e flotës me mjete të reja, si motovedetat “Archangel” apo anijet e prodhuara në Pashaliman. Dhurimi i këtyre anijeve italiane e thyen këtë prirje modernizuese, duke rikthyer në vëmendje praktika të së shkuarës.
Në bisedë më moderatorin e emisionit Flavio Qarri ai tha se “problemi kryesor qëndron tek vjetërsia dhe jeta operacionale e anijeve”. “Ato janë 35-vjeçare dhe u ka mbetur vetëm 2-3 vite jetëgjatësi operacionale”. “Pas kësaj periudhe, anijet duhet të dalin jashtë përdorimit dhe të çohen për skrap”. “Këtu, sipas ekspertit, qëndron edhe thelbi i problemit”. “Procesi i çmontimit dhe kthimit në skrap të anijeve në Itali ka një kosto jashtëzakonisht të lartë për shkak të rregullave të rrepta mjedisore”.
Ky fakt sugjeron se “dhurata” mund të jetë në të vërtetë një mënyrë elegante që Italia të shmangë kostot e larta të demontimit, duke ia kaluar këtë barrë financiare palës shqiptare. Një situatë e ngjashme është vërejtur edhe në të kaluarën me anijet e tipit “Tigër”, ku kostoja e çmontimit të tyre rezultoi më e lartë se vlera e shitjes.
Për më tepër, Meçollari bën të ditur se për këto anije të vjetra tashmë janë shpenzuar rreth 1.6 milionë euro për riparime të pjesshme. Megjithatë, ai paralajmëron se problemi real dhe i fshehur qëndron tek “koncepti operacional” i tyre, duke lënë të kuptohet se vlera e tyre strategjike për mbrojtjen dhe sigurinë e vendit është tejet e diskutueshme.
Flavio Qarri: Rikthehemi, në studio, miq të dashur. Sigurisht që do të flasim për pjesë dhe marrëveshjen, disa nga ato të arritura në Itali ditën e djeshme. Ka pasur një mal të madh, edhe me ca mashtrime, disa ishin thjesht shpresa dhe ëndrra propagandistike, disa të tjera duket se janë ca rreziqe të vogla gjeostrategjike. Për këtë kam një panel interesant që e njohin të paktën fushën dhe nuk është në variantin me të dëgjuar dhe me analiza të supozuara. Fatmir Mediun do e kemi në një lidhje video, kreun e Partisë Republikane, ish-ministrin e Mbrojtjes. Zoti Mediu, mirëmëngjes, mirë se erdhët.
Fatmir Mediu: Mirëmëngjes, mirë se ju gjeta.
Flavio Qarri: Besoj do e kem edhe konsensusin tuaj për ta filluar nga studio me ish-shefin e Shtabit të Lartë të Forcave të Armatosura, ekspertin e sigurisë Artur Meçollari. Mirëmëngjes zoti Meçollari, mirë se erdhët.
Artur Meçollari: Mirëmëngjes, faleminderit për ftesën.
Flavio Qarri: Ju keni qenë ndoshta zëri i vetëm që reaguat edhe me këtë që mund të duket si një lëvizje aksi gati-gati, por mbi të gjitha edhe me ca nga këto, le të themi, shpresa pak më të ekzagjeruara siç duhet propagandistike. Sidomos, një pjesë do e diskutojmë me Mediun për faktin se ne kemi një marrëveshje partneriteti strategjik me Italinë që në 2010-ën, besoj që në shkurt të 2010-ës, zoti Mediu, nëse është e saktë apo jo?
Fatmir Mediu: Po, besoj që po.
Flavio Qarri: Ndërkohë, duket se kjo historia e këtyre tre anijeve, nuk e di pse, gjithmonë ne përfundojmë në... më ngjan pak si zanafillë skandali domethënë kjo historia e anijeve. E njëjtë ishte historia e anijeve Tigër, e njëjtë historia e helikopterëve, tre helikopterëve që morëm nga Franca. Në vlerësimin tuaj, pse ka diçka që nuk shkon me këtë marrëveshjen e Kajos me Fincantieri?
Artur Meçollari: Marrëveshja është e forcës detare për tre anijet. Pra “Kajo” ka marrëveshje për kantierin detar, kurse forca detare ka marrëveshjen për tre anijet. Janë autoriteti prokurues. Por problemi është që aty ka një, ka një marifet. Dhe kush është marifeti? E para njëherë që duhet të pranojmë që Shqipëria e cila ka gati 20 vjet që nuk merr anije të vjetra, kemi marrë mbas vitit '97 si nga Shtetet e Bashkuara dhe nga Italia, por mbas në 20 vitet e fundit, duke filluar me anijet me motovedetat Archangel që falën amerikanët dhe pastaj me prodhimin e anijeve të reja në Pashaliman, ne nuk kemi marrë anije të vjetra. Por mbas 20...
Flavio Qarri: Këto anije po i blejmë të përdorura?
Artur Meçollari: Nuk po i blejmë, janë dhuratë.
Flavio Qarri: Janë dhuratë po.
Artur Meçollari: Janë dhuratë. Por pyetja shtrohet, pse? Sepse në fakt, djalli fshihet në detaje. Shiko, përveç faljes së tre anijeve të cilat kanë 35 vjet që operojnë, janë të vjetra, ëh, domethënë mund të kenë dhe dy-tre vjet kohë për të operuar jetë dhe pastaj duhet t'i presësh për skrap. E para nga pikëpamja ekonomike, t'i presësh për skrap në Itali është një kosto shumë e madhe për shkak se...
Flavio Qarri: Njësoj si këto të, si tigrat.
Artur Meçollari: Që bënë më shtrenjtë t'i çmontosh sesa t'i shesësh. Saktë. Në Itali për shkak të kërkesave mjedisore është shumë e shtrenjtë demontimi. Atëherë, ...
Artur Meçollari: ...kanë harxhuar 1.6 milionë euro, kanë harxhuar për riparimin disi të tyre. Por fshehja në fakt e vërteta qëndron tek koncepti operacional.
Atentati i Rinasit ku u ekzekutua me kallashnikov Gilmando Dani dhe mbeti i plagosur efektivi i AMP, Muçi Shaljani Sheqeri tronditi opinionin publik.
...
