Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
AKTUALITET
“Nuk ka arsim cilësor pa mësues të mirëpaguar", 1 Maji/ Mësuesit në protestë, marshim drejt Ministrisë së Arsimit
M.B.Përditësimi i fundit 1 Maj 2024, 09:31
Foto nga protesta
TIRANA- Sot shënohet 1 Maji, dita ndërkombëtare e punëtorëve, ditë e cila ka si qëllim të kujtojë angazhimin e lëvizjeve sindikale për të kërkuar dhe siguruar të drejtat, liritë dhe kushtet e punës e të jetesës. Në të gjithë botën 1 Maji është një ditë proteste për të kërkuar plotësimin e të drejtave të tyre në punë.
Në këtë ditë, mësuesit janë mbledhur në qendër të Tiranës teksa kanë zgjedhur të protestojnë. Ata kanë nisur një marshim paqësor drejt Ministrisë së Arsimit me banderola dhe parulla të protestojnë në këtë ditë që simbolizon më shumë të drejta. Sindikata e Pavarur e Arsimit dhe Federata e Sindikatave të Arsimit ka zgjedhur që në ditën e punëtorëve të dalin në protestë.
“Kërkesa jonë kryesore është që qeveria të marrë masa urgjente për të përmirësuar gjendjen e arsimit në Shqipëri. Ne, Sindikatat e Arsimit kemi kërkuar në të gjitha takimet qe kemi bërë që pa një buxhet 5 % të GDP për arsimin, nuk mund të ketë arsim cilësor në Shqipëri pa mësues të mirëpaguar.
Nëse nuk ka paga dinjitoze atëherë profesioni i mësuesit nuk do të jetë profesion i kërkuar nga të rinjtë. Ata që shkojnë në degën e mësuesisë janë ata me nota më të ulta”, tha një përfaqësuesi sindikate.
