Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
"Nuk ka falje për autorin"/ Babai i Ilaria Sulës rrëfen dhimbjen: Jeta jonë është kthyer varreza-shtëpi! Është një makth që nuk do t’ia uroja askujt
E.DPërditësimi i fundit 29 Maj 2025, 11:41
ITALI- Babai i Ilaria Sulës, Flamur Sula, në një intervistë së fundmi është shprehur se që kur Ilaria u vra i dashuri i saj mezi ndezë televizorin dhe nuk lexon dot gazeta. Në një intervistë për La Repubblica, babai i të resë u shpreh se sa më shumë ditë kalojnë, aq më shumë i mungon Ilaria dhe është një vuajtje që nuk mund të shpjegohet dhe nuk mund të fshihet. Babai i të ndjerës përmendi edhe ditëlindjen e saj, ku tha se ishte si një funeral i ri.
Po ashtu Flamur Sula theksoi se për të mos ndodhur krime të tilla qeveria duhet të bëjë diçka, të marrë masa. Ndër të tjera babai i Ilarias u shpreh se flet dhe e këshillon djalin e tij gjatë gjithë kohës duke i thënë se kur një mardhënie përfundon duhet pranuar. Ai gjithashtu theksoi se po kalojnë një situatë të vështirë dhe nuk ia uron asjkujt këtë makth.
Më tej ai tha se nuk mund të ketë falje për njerëzit që janë të aftë të bëjnë gjëra të tilla dhe theksoi se ajo që i ndodhi Ilarisë dhe vajzës nga Napoli nuk është një aksident rrugor, por një katastrofë.
Për të pesëmbëdhjetën herë një vajzë e re është vrarë nga ish-partneri i saj. Si u ndjetë kur e morët vesh?
Që kur u vra Ilaria, mezi e ndez televizorin, nuk lexoj gazeta. Nuk më intereson shumë çfarë ndodh. Por kur dëgjova se çfarë ndodhi në Napoli, u ndjeva keq. Ishte sikur ta rijetoja gjithçka nga e para. Me çfarë të drejte vret një vajzë si vajza ime ose si Martina? Ish-i dashuri i Martinës mori pjesë gjithashtu në kërkim, duke u shtirur si i shqetësuar.
Kjo gjë më jep të dridhura. Nuk mund ta kuptoj si mund të jenë kaq të ftohtë, kaq të egër, si mund të jenë kaq të mirë në gënjeshtra. Vajzat vriten kot dhe kjo ndodh gjatë gjithë kohës.
Sipas mendimit tuaj, a mund të bëhet diçka për të mos pasur këto krime?
Qeveria duhet të bëjë diçka, të marrë masa. Nuk e di çfarë lexojnë ose studiojnë këta fëmijë, por është e qartë se diçka nuk shkon, diçka mungon. Ne mendonim vetëm për punën, për ndërtimin e një jete. Sot ka vetëm frikë.
A ke pasur ndonjëherë ndonjë ankesë për Ilarinë?
Asnjëherë, sepse e njihja vajzën time, i besoja asaj. Ajo ishte një vajzë këmbngulëse, që nuk do të lejonte kurrë askënd ta shkelte. Kjo është arsyeja pse dua vërtet të kuptoj se çfarë ka ndodhur.
Ju keni edhe një djalë, vetëm tetëmbëdhjetë vjeç. A ke frikë për të?
Sigurisht që po, ndonjëherë. Por unë flas me djalin tim gjatë gjithë kohës, i them se nëse ka të dashur duhet të ma thotë, se "jo" do të thotë "jo", dhe nëse dikush e përfundon marrëdhënien, ai duhet ta pranojë. Po kalojmë një situatë të vështirë, është një makth që nuk do t’ia uroja askujt.
A ka diçka që do të donit t’i thoshit familjes së Martinës?
Më vjen shumë keq, kjo është e gjitha që mund të them. E kuptoj dhimbjen e tyre, është diçka që nuk zhduket. Gruaja ime është e shkatërruar, nuk jam as i sigurt nëse normaliteti mund të ekzistojë përsëri për ne. Jeta jonë, ditët tona sillen rreth asaj që është e vetmja rrugë e përditshme: nga shtëpia në varreza. Asgjë tjetër.
A të jep ndonjë ngushëllim ideja e drejtësisë?
Nuk do të qetësohem derisa ai të jetë në burg përgjithmonë. Ende nuk mund ta besoj, nuk mund ta kuptoj se si ia doli t'i bënte diçka të tillë asaj. Deri në frymën time të fundit do të përpiqem të gjej drejtësi për Ilarinë. Nuk do të dorëzohem kurrë."
A mund të arrijmë faljen?
Nuk mund të ketë falje për njerëzit që janë të aftë të bëjnë gjëra të tilla. Ajo që i ndodhi Ilarisë dhe vajzës nga Napoli nuk është një aksident rrugor, por një katastrofë. Ato u vranë nga autorët me vetëdije. Dikush vendosi që një person.
Ilaria Sula, rezultonte e zhdukur që prej datës 25 Mars në Romë. Fillimisht kishte dyshimet se ajo ishte larguar pas ndarjes me të dashurin, 23-vjeçarin filipinas, por më pas ngjarjet morën një kthesë dramatike. Trupi i studentes shqiptare u gjet brenda një valixheje të madhe në fund të një shkëmbi në një zonë pyjore në Poli. Hetimet janë fokusuar tek fundi i lidhjes së saj me të dashurin Filipinas.
Sipas raportimeve ka qenë i riu që dërgoi efektivët në zonën ku u gjet trupi i Ilaria Sulës, e cila studionte në Universitetin Sapienza në Romë. Ilaria ishte larguar nga shtëpia me qira që ndan me tre shoqe të tjera, por nuk ishte kthyer më. Mbrëmjen e 25 Marsit shkëmbeu mesazhe në Whatsapp me shoqet e shtëpisë, të cilat të shqetësuara se ajo nuk ishte kthyer, i kishin shkruar.
Më pas çdo kontakt ishte shkëputur. Ka dyshime se 23-vjeçari Filipinas ka përdorur telefonin e viktimës pas vrasjes së saj për të shkëmbyer mesazhe si edhe për të bërë postime në rrjetet e saj sociale. Sipas medias italiane, ai e ka vrarë Ilaria Sulën duke e goditur me thikë në një apartament në Romë dhe më pas ka hequr qafe trupin pasi e ka futur në një valixhe. Ka qenë edhe analiza e tabulateve të telefonit dhe qelive që inkriminuan të dashurin e viktimës.
