Protestuesit janë shpërndarë pas hedhjes së ujit te Bulevardi.
Protestuesit janë ‘strehuar’ te Parku ‘Rinia’...
AKTUALITET
"Nuk kam pasur dijeni për operacionin"/ Vrasja e efektivit në Maliq, Hita: Po analizohet pse s’u kërkuan forca shtesë
PiranjatPërditësimi i fundit 4 Qershor 2026, 17:05
Drejtori i përgjithshëm i Policisë së Shtetit Skënder Hita ka deklaruar se kanë nisur një hetim për procedurat standarte për punën që është kryer për kapjen e autorit Violand Braçellari që vrau sot një efektiv policie dhe plagosi një tjetër. Në një konferencë për mediat, Hita tha se Policia e Korçës nuk ka kërkuar ndihmë për forcat RENEA dhe se ai vetë nuk ka qenë në dijeni të operacionit.
Lidhur me operacionin, Hita konfirmoi se gjashtë efektivët ishin të pajisur me jelek antiplumb, por s’ka mjaftuar që t’i sigurojë mbrojtje të plotë Mekollit.
"Një punonjës policie i dalluar dhe shembullor ndërroi jetë, dhe mbeti i plagosur një tjetër nga punonjësit e policisë. Jam këtu për të ndarë dhimbjen me familjarët e Enea Mekollit, i cili humbi jetën gjatë operacionit. Në orën 7:30 të mëngjesit, forcat policore kanë mbërritur ku strehohej ky person. Ky person ishte i dënuar me 9 vite nga Gjykata e Korçës, ndërsa në vitin 2011 i ishte caktuar masa arrest me burg për kultivimin e lëndëve narkotike.
Për të neutralizuar sulmin e të kërkuarit, punonjësit e policisë kanë shkëmbyer zjarr, ku mbeti i plagosur edhe i kërkuari. Për të ishin caktuar edhe operacione të tjera, por nuk ishte bërë e mundur arrestimi i tij. Kam urdhëruar drejtorinë e Përgjithshme për të nisur një hetim për punën që është bërë për të kapur këtë person. Grupi hetimor po vijon punën për dokumentimin e plotë ligjor. I shpreh ngushëllimet për familjen e Enea Mekollit dhe shërim të shpejtë për kolegun tjetër, Edison Adri.
Ata që sulmojnë punonjësit e policisë, do të ndëshkohen maksimalisht. Gjaku i Eneas nuk do të harrohet kurrë. Kur është kryer operacioni nuk kam pasur dijeni, ky operacion është kryer nga Policia e Korçës. Punonjësit e policisë janë të gjithë të trajnuar, edhe në këtë rast kanë qenë shërbimet më të specializuara siç janë “Shqiponja”.
Në gjykimin e drejtuesve të Drejtorisë Korçë, këto kanë qenë strukturat. Kanë qenë 40 forca policie. Të gjithë kanë qenë me jelek antiplumb, por arma kallashnikov që ka përdorur autori e ka çarë edhe antiplumbin. Patjetër që duhet të bëhet më e mira në këtë drejtim," tha Hita.
