Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
Numërimi i votave/ Ja rezultatet deri më tani në 5 bashkitë e vendit!
PiranjatPërditësimi i fundit 9 Nëntor 2025, 22:55
Ka nisur numërimi në të pesta bashkitë në të cilat u zhvillua zgjedhjet e parakohshme. Në bashkinë e Tepelenës për herë të parë do të aplikohet edhe testi i numërimit të votave me Inteligjencë Artificiale, por krahas këtij procesi, numërimi do të vijojë manualisht.
Procesi në Qendrat e votimit 4356 Progonat, 4359 Nivicë dhe 4360 Sinanaj në Tepelenë po shkon drejt fundit, ku epërsi të thellë ka kandidati socialist Gramoz Sako kundrejt Gabriel Gumës të pavarur, që mbështetet nga PD. Në qendrën e votimit 4359 në Nivicë, 199 vota ka marrë Gramoz Sako, 6 Gabriel Guma, ndërsa 1 është shpallur e pavlefshme.
Në Berat është hapur kutia e parë në KZAZ 67, ku kryeson kandidati socialist Ervin Ceca 145 vota, ndjekur nga i pavaruri Pavllo Shkarpa 8 vota ndërsa 6 vota janë shpallur të pavlefshme. Ndërsa në Vlorë, ku është hapur kutia e parë në KZAZ 85, kryeson socialistja Brunilda Mersini me 64 vota, ndjekur nga i pavaruri që mbështet opozita Dionis Sota me 12 vota, Gjergji Nika, gjithashtu i pavarur ka marrë 8 vota. Të pavlefshme janë shpallur 8 vota.
Procesi ka nisur edhe në Cërrik dhe Mat.
Në total, vetëm 18.45% nga 334.539 mijë qytetarë me të drejtë vote hodhën votën në kutitë e votimit në të 5-ta bashkitë. Bashkia me numrin më të lartë të pjesëmarrjes ishte Mati me 39.36%, e ndjekur nga Tepelena me 34.63%, Cërriku me 25%, dhe Berati me 19.98%.
Pjesëmarrjen më të ulët e shënoi Vlora, bashkia më e madhe në zgjedhjet e kësaj të diele, ku votuan vetëm 12.54 përqind.
