Drejtuesi i Prokurorisë së Posaçme Klodian Braho, ka deklaruar se hetimi ndaj ish-zv.kryeministres dhe ish-ministres së Infrastruktur&eu...
AKTUALITET
Çollaku: Rama s’e mbyll vitin si kryeministër! Protestat, një realitet i ri politik
PiranjatPërditësimi i fundit 29 Korrik 2026, 18:41
Gazetari Basir Çollaku ka komentuar protestat që vijojnë prej 60 ditësh në Tiranë, duke i cilësuar si një lëvizje që, sipas tij, ka tejkaluar çdo parashikim dhe po ndryshon klimën politike në vend.
Çollaku u shpreh se qëndresa e protestuesve ka vënë qeverinë nën presion, ndërsa shtoi se mazhoranca po përballet me frikën e pasojave ligjore. Sipas tij, protesta do të zgjerohet edhe më tej dhe ka dhënë mesazhe të qarta si për qeverinë, ashtu edhe për opozitën.
Gazetari kritikoi edhe reagimet e kryeministrit Edi Rama ndaj zhvillimeve të fundit, duke deklaruar se ai ndodhet në fund të mandatit politik.
Çollaku shtoi se, sipas vlerësimit të tij, edhe qëndrimet e faktorëve ndërkombëtarë ndaj Ramës kanë ndryshuar muajt e fundit dhe se kryeministri “nuk e mbyll vitin në detyrë”.
“As protestuesit nuk do ta kishin menduar se do të shkonte kështu. Protesta duhet të kishte reagime më parë. Por qeveria ka frikë burgun dhe jetën, përpiqen që të gjejnë një mjet shpëtimi dhe protestuesit kanë bërë qëndresë të jashtëzakonshme. S’ka pasur kurrë një protestë të tillë. Revolucioni dhe paqja ndoshta nuk shkojnë bashkë, por vazhdimësia do të sjellë rezultatin e kërkuar. Iu tregua se kush është Edi Rama në sytë e shqiptarëve, e panë ndërkombëtarët. Ka diçka ndryshe këtë herë. Çdo ndërkombëtar që mbështet Ramë, ose është i korruptuar ose do destabilizimin e Shqipërisë. Ajo që thotë ai se ka 800 mijë mbështetës, është gënjeshtër, 800 mijë deri në 1 milion shqiptar janë në shesh. Protestuesit do të shtohen në ditët në vijim. Mazhoranca dhe opozita kanë marrë mesazhe për punët që janë bërë dhe ato që s’janë bërë. Reagimet e Ramës i shoh çrregullime mendore. Çdo perandori 10 minuta para se të shkatërrohet, reagon kështu. Rama është kryeministër në ikje. Ka muaj që ndërkombëtarët nuk flasin mirë për Ramën më. Rama s’e mbyll vitin si kryeministër.”, tha ai.
