Lufta Shtetet e Bashkuara-Iran po zhvillohet gjithnjë e më shumë në det, me të dyja palët që synojnë cisterna nafte dh...
AKTUALITET
“Pa ujë, pa ngrohje dhe me klasa si magazina”/ Qytetari denoncon gjendjen skandaloze të Kopshtit Nr. 10 në Vlorë
PiranjatPërditësimi i fundit 3 Mars 2026, 12:10
Një qytetar nga Vlora ka bërë një denoncim në redaksinë e Piranjave, lidhur me kushtet e papërshtatshme në të cilat po edukohen fëmijët e KOPSHTIT NR. 10.
Sipas banorit, pas fillimit të rikonstruksionit të kopshtit, fëmijët janë zhvendosur në një godinë trekatëshe që nuk përmbush as kushtet minimale për funksionimin e një institucioni arsimor për fëmijë.
“Nuk ka ujë të mjaftueshëm, depozita e ujit mban vetëm një orë në mëngjes dhe fëmijët qëndrojnë pa ujë gjatë drekës. Nuk ka shtretër për gjumë; fëmijët janë të detyruar të qëndrojnë në këmbë deri në orën 16:00. Klasat janë të improvizuara dhe disa ambiente të përdorura më përpara si magazina; disa dhoma janë vetëm 2×2 metra për 25 fëmijë. Nuk ka ngrohje adekuate, pasi energjia elektrike është e pamjaftueshme për të përballuar ngrohjen,” shkruan qytetari në denoncimin e dërguar tek Piranjat.
Po ashtu, edhe higjiena lë shumë për të dëshiruar, pasi banjot janë të pista dhe fëmijët mund të marrin infeksione.
Kuzhina e vetme nuk ka tavolina të mjaftueshme, duke bërë që fëmijët të hanë me radhë.
Qytetari shprehet se kontrata me këtë objekt është bërë vetëm për përfitime personale të drejtueses së kopshtit, ndërsa fëmijët po vuajnë pasojat.
Ai kërkon një ndërhyrje urgjente nga autoritetet për të verifikuar situatën dhe për të garantuar kushtet elementare për fëmijët.
Situata në KOPSHTIN NR. 10 ka ngritur shqetësime serioze mbi sigurinë, higjienën dhe mirëqenien e fëmijëve, duke nxjerrë në pah nevojën për ndërhyrje të menjëhershme nga institucionet përgjegjëse, të cilat duket se kanë harruar detyrat bazike për të cilat paguhen.
Piranjat do ta ndjekin më tej këtë çështje./Piranjat News
Denoncimi i plotë
Pershendetje
Une po ju shkruaj nga qyteti Vlores
Kam nje ankes për kopshtin nr 10.
Ky kopesht ne fillim te vitit filloj rikonstruksioni dhe femijet tane i zhvendosen ne nje godine qe nuk permbush as kushtet me minimale
Nuk ka uji
Nuk ka shtreter
Klasat jan disa magazina
Sepse keshtu jan perdorur nga ajo godine si magazina
Ajo eshte nje shtepi tre kateshe
Perdoret vetem kati pare dhe gjysma e katit 2
Femijet na thon ti marim deri ne oren 1 sepse nuk ka shtreter
Ka vetem nje kuzhinë ku femijet e grupeve hane me radh
Sepse nr klasa nuk ka tavolin ku mund te konsumojn vaktin
Ajo ndertes ka nje lidhje te energjise nje fazore
Dmth mban ngarkes sa per nje familje
Femijet jan pa ngrohje sepse nuk mban automati matesit thot drejtoresha e kopshtit
Uji nuk ka
Sepse depozita mban vetem nje ore uji ne mengjes
Po te shkohet ne oren 12.00 te drekes
Shikohen banjot e femijeve pis. Na u infektuan femijet
Shtreter per fjetje nuk ka
Pretendohet qe ne paguajm prr te fjetur deri me oren 4
Por femijet rrin ne kemb
Klasat e katit te dyte jane ambiente 2m ×2m dhe rrin 25 femije te nje grupi
Skandal
Kjo kontrat me kete shtepi eshte ber vetem per perfitime te drejtoreshes se kopshtit
