Kryeministri Edi Rama tha nga Vlora se investimi në Zvërnec do të realizohet dhe se do të lejojë që ky investim të largohet n...
AKTUALITET
Pas takimit me ministrin Lamallari në Sarandë, kreu i IKMT Vlorë jep dorëheqjen! Masë disiplinore për përgjegjësin e sektorit
PiranjatPërditësimi i fundit 23 Maj 2026, 11:59
Pas takimit që pati në Sarandë Ministri i Punëve të Brendshme Besfort Lamallari, lidhur me problematikën e ndërtimeve pa leje dhe zaptimit të hapësirave publike që çuan edhe në arrestimin e shefit të komisariatit, është larguar nga detyra edhe drejtori i Drejtorisë Rajonale të IKMT-së së Vlorës Elton Caslli.
Sipas gazetares Xhensila Kodra, ky i fundit mësohet se ka dhënë dorëheqjen pas fillimit të procedurës për marrjen e masave administrative nga IKMT qendrore, si shkak i mos ushtrimit të detyrave funksionale me pasoja në territor.
Gjithashtu, mësohet se është inicuar procedura disiplinore edhe për Përgjegjësin e Sektorit të Inspektimit të Territorit pranë Drejtorisë Rajonale të Vlorës Xhovalin Hoxhaj.
Gjatë takimit në Sarandë, Ministri i Punëve të Brendshme bëri një apel të qartë për strukturat e Policisë së Shtetit, IKMT dhe IMT sa i përket zbatimit të ligjit.
“Dilni për Zot përgjegjësisë, që ju është dhënë. Ne nuk mund të lejojmë të cënohet diçka që është më e madhe. Zero tolerancë ndaj paligjshmërisë dhe përgjegjësi për çdo mosveprim institucional. Ndërtimet pa leje, zaptimi i hapësirave publike apo abuzimet në kurriz të interesit qytetar dhe zhvillimit të qëndrueshëm të turizmit, janë një vijë e kuqe”, tha ministri Lamallari gjatë fjalës së tij.
