Një pjesë protestuesish kanë përshkallëzuar aksionin e tyre në Tiranë, duke bllokuar qarkullimin në kryqëzimin pran...
AKTUALITET
"Për mua nuk është thjesht biznes"/ Ivanka Trump tregon si e zbuloi Ishullin e Sazanit: Autorët shqiptar...
PiranjatPërditësimi i fundit 2 Qershor 2026, 15:39
Ivanka Trump, vajza e Presidentit Donald Trump dhe gruaja e investitorit Jared Kushner, ka ndarë detaje të reja rreth planit në ishullin e Sazanit. Në një intervistë me David Senra, Ivanka Trump tha se ky është një projekt me përmasa gjigante, me një sipërfaqe me 1400 hektarë në zemër të Mesdheut. Ajo ka treguar edhe sesi u njoh me Sazanin dhe se ky ishull i kishte mbetur në mendjen që nga dita e kishte vizituar dhe kishte ngjitur deri në majë.
Ivanka thekson se projekti që synon realizimin e potencialit të ishullit të Sazanit kërkon kujdes dhe përmbajtje për mbrojtjen e tokës. Ajo sqaron se projekti i Sazanit, pavarësisht përmasës, nuk është vetëm një biznes, por edhe një sfidë për të, duke ecilësuar si kulmin e përvojës saj në pasuritë e paluajtshme.
“I jam rikthyer edhe rrënjëve të mia në fushën e pasurive të paluajtshme, gjë që më ka dhënë shumë kënaqësi. Po punoj me bashkëshortin tim për një projekt të jashtëzakonshëm në Mesdhe. Është një projekt me përmasa gjigante, madje mendoj se edhe kjo është pak ta thuash. Është një ishull privat me sipërfaqe 1400 hektarë në zemër të Mesdheut. Ishim në varkën e një miku dhe ndaluam për të notuar. Në fakt, kështu e zbuluam. Notuam drejt ishullit, u ngjitëm zbathur deri në majë dhe mbetëm të mahnitur. Ai vend na ka mbetur në mendje që prej asaj dite.
“Me kalimin e viteve krijuam mundësinë për të ndihmuar në realizimin e potencialit të tij dhe për ta transformuar, por me shumë kujdes dhe përmbajtje, sepse toka është aq e bukur sa arkitektura duhet të integrohet plotësisht me të, pothuajse të lindë prej saj. Në fakt, për mua nuk është as biznes, pavarësisht përmasës së projektit. Përveç ishullit, kemi edhe rreth pesë milje vijë bregdetare përballë tij, një gadishull të mrekullueshëm me lagunë në njërën anë dhe det në anën tjetër, me plazhe të bukura me rërë të bardhë. Për mua kjo ndihet më shumë si një sfidë se sa si një biznes. Është kulmi i gjithë përvojës sime në pasuritë e paluajtshme, i gjithë udhëtimeve të mia dhe i reflektimeve të shumta mbi mënyrën se si dua të jetoj dhe si mendoj se gjithnjë e më shumë njerëz duan të jetojnë” tha ajo.
Vajza e Presidentit shprehet se po përpiqet të ndërtojë diçka që e pasqyron konkretisht këtë vizion dhe sipas saj, kjo kërkon shumë imagjinatë dhe bashkëpunimin e disa prej mjeshtërve më të mëdhenj. Ajo thekson ndër të tjera se tek pasuritë e paluajtshme sheh rezultatin e viteve të tëra pune, për cilin ndonjëherë duhet ehde më shumë se një dekadë.
Gjatë intervistës, Ivanka rrëfeu gjithashtu se po përpiqet të kuptojë Shqipërinë përmes syrit të shkrimtarëve më të mirë të vendit tonë. Po ashtu Vajza e Presidentit nënvizoi se për diçka të bukur dhe me kuptim, fillimisht duhet ta kuptosh kulturën e atij vendi dhe më pas të punosh.
“Po përpiqemi të ndërtojmë diçka që e pasqyron konkretisht këtë vizion. Kjo kërkon shumë imagjinatë dhe bashkëpunimin e disa prej mjeshtërve më të mëdhenj që ekzistojnë sot. Sapo isha atje duke ecur nëpër terren, duke u përpjekur ta përjetoja vendin së bashku me disa prej arkitektëve më të mëdhenj të kohës sonë, mjeshtër të vërtetë të profesionit të tyre, njerëz me integritet. Njerëz që nuk bëjnë kompromis me vizionin e tyre dhe pikërisht këtë duam të krijojmë edhe atje. Jemi shumë të emocionuar për këtë projekt. Kur punon me artistë të vërtetë, pavarësisht nëse mediumi i tyre është piktura, muzika apo pasuritë e paluajtshme, ata nuk bëjnë kompromis. Integriteti i tyre është i saktë dhe absolut. Ata sfidojnë veten dhe sfidojnë edhe të gjithë njerëzit përreth tyre. Kur punon me një arkitekt, ekziston gjithmonë një ekuilibër. Në fund të fundit, ata nuk po ndërtojnë thjesht një monument. Po krijojnë një hapësirë me të cilën njerëzit duhet të ndërveprojnë.
Ata duhet të jetojnë aty, të martohen aty, dhe nëse është hotel, ai bëhet shtëpia e tyre për një periudhë kohe. Nuk ka asgjë më të shëmtuar sesa një hapësirë e bukur, por jo funksionale. Për mua, ajo nuk është një kryevepër, sepse nuk është menduar deri në fund. Kur arrin të bashkosh një arkitekturë me kuptim, të bukur dhe të menduar mirë me një hapësirë shumë funksionale, atëherë krijon diçka të veçantë. Një nga gjërat që dua tek pasuritë e paluajtshme është se janë diçka konkrete në një botë ku gjithnjë e më shumë gjëra nuk janë të tilla. Ti sheh rezultatin e viteve të tëra pune. Për të sjellë në jetë një projekt të tillë duhen vite, ndonjëherë edhe më shumë se një dekadë.
Po lexoj shkrimtarët më të mirë shqiptarë dhe po përpiqem ta kuptoj vendin përmes syve të tyre. Letërsi artistike, libra jo-fiction, gjithçka. Zhytesh në përvojën dhe realitetin e jetuar që këta vëzhgues të mëdhenj të së vërtetës arrijnë të përcjellin dhe kështu afrohesh më shumë me vendin. Nuk mund të imponohesh mbi një vend apo një kulturë. Duhet fillimisht ta kuptosh atë, në mënyrë që të bësh diçka në një mënyrë të bukur, delikate dhe me kuptim. Kjo është qasja që kam ndaj gjithçkaje. Dëgjoj shumë njerëz dhe përpiqem të rrethohem me njerëz që ndihmojnë rritjen dhe zhvillimin," tha Ivanka Trump.
Projekti daton që nga viti 2024
Projekti i Ishullit Sazan ka qenë në zhvillim për disa vite. Gjatë një paraqitjeje në podkastin Lex Fridman në vitin 2024, Ivanka tha se ajo dhe Kushner po punonin në një projekt në shkallë të gjerë në Mesdhe, duke e përshkruar atë si një sipërmarrje që do ta transformonte ishullin duke ruajtur karakterin e tij natyror. Projekti është përshkruar më parë si një zhvillim turistik luksoz në ishullin e Sazanit, një nga ishujt më të mëdhenj kryesisht të pazhvilluar të Mesdheut. Më pas, autoritetet shqiptare dhanë miratimin paraprak për projektin në fund të vitit 2024.
