Vendi ynë do të vijojë të jetë nën ndikimin e masave ajrore të paqëndrueshme edhe ditën e enjte, duke sjellë...
AKTUALITET
Përkeqësimi i gjendjes shëndetësore të Kryepeshkopit Janullatos, reagon kreu i KMSH-së: I lutemi Zotit për shërimin e tij të shpejtë e të plotë!
n.fPërditësimi i fundit 24 Janar 2025, 20:14
Foto ilustruese
TIRANË- Kryetari i Komunitetit Mysliman të Shqipërisë, Bujar Spahiu përmes një postimi në llogarinë e tij në "Facebook" ka reaguar në lidhje me gjendjen e Kryepeshkopit, Anastas Janullatos. Ky reagim i Spahiut vjen pas raportimeve të ditës së sotme se gjendja e Kryepeshkopit është përkeqësuar.
Spahiu shkruan se me Kryepeshkopin kanë vite që bashkëpunojnë dhe bashkërendojnë veprimtarinë e dialogut ndërfetar në Shqipëri. Ai më tej thekson se Janullatos është lider i kujdesshëm për besimtarët që përfaqëson dhe bashkëpunues e tolerant me këdo. Kreu i KMSH-së më tej është lutur për shërimin e shpejtë dhe të plotë të Kryepeshkopit.
“Kryepeshkopi i Kishës Ortodokse Autoqefale të Shqipërisë, z. Anastas Janullatos, ndodhet prej disa ditësh në gjendje jo të mirë shëndetësore. Me Janullatosin kemi vite që bashkëpunojmë dhe bashkërendojmë veprimtarinë e dialogut ndërfetar në Shqipëri.
Lider i kujdesshëm për besimtarët që përfaqëson dhe bashkëpunues e tolerant me këdo. I lutemi Zotit për shërimin e tij të shpejtë e të plotë!”, shkruan Spahiu.
Kryepeshkopi Anastas Janullatos ndodhet prej 30 dhjetorit të 2024-ës i shtruar në spital, fillimisht në Tiranë për shkak të një viroze stine. Më pas gjendja e tij u përkeqësua për shkak edhe të një gjakderdhjeje në sistemin e aparatit tretës, për të cilën u dërgua në Athinë më 3 janar. Pas disa ditësh i shtruar në spital ai iu nënshtruar edhe një operacioni ku ka qëndruar në terapi intensive.
