Kreu i Grupit Parlamentar të PD, Gazment Bardhi ka reaguar për ngjarjen e rëndë të ndodhur në Lozhan, ku mbeti i vrarë nj&e...
AKTUALITET
Përplasja me agjentët e BKH-së, Prokuroria e Fierit nis procedim penal për njerëzit e Kapllanajt: Dhunuan efektivët dhe hetuesin për shkak të detyrës
r.llPërditësimi i fundit 17 Prill 2025, 16:57
foto ilustruese
FIER- Prokuroria e Fierit ka nisur procedimin penal ndaj njerëzve të ish-kryebashkiakut të Mallakastrës, Agron Kapllanajt, pas përplasjes së dy netëve me parë mes tyre dhe agjentëve të BKH-së. Procedimi ndaj dy nipërve të Kapllanajt, Ledjan dhe Klaudio Kapllanaj dhe një personi tjetër, të identifikuar me emrin Gerald Kollçaku ka nisur për veprën penale "Goditje për shkak të detyrës", kryer në bashkëpunim.
Në njoftimin e Prokurorisë thuhet se një hetues i BKH dhe oficerët e Forcës së Posaçme Operacionale të Policisë së Shtetit, kanë qenë duke kryer veprime hetimore në kuadër të një hetimi të SPAK, në aksin rrugor Fier-Patos, në afërsi të fshatit Portëz e Madhe, Fier. Bëhet me dije se gjatë kohës që ishin duke kryer veprime hetimore, janë filmuar nga Orjan Isufaj, i cili është edhe drejtor i kompanisë së vëllait të Agron Kapllanajt.
Në njoftimin e prokurorisë thuhet se rreth 30 minuta më pas, gjatë kohës që ishin duke qëndruar në mjetin e tyre në një vend tjetër, në anë të rrugës publike pranë vendit të quajtur “Rrethrrotullimi i Parkut”, të qytetit të Fierit, u janë afruar tre automjete nga kanë kanë zbritur disa persona, të cilët kanë ushtruar dhunë fizike ndaj punonjësve të policisë, pavarësisht prezantimit të këtyre të fundit.
NJOFTIMI I PROKURORISË:
Prokuroria pranë Gjykatës së Shkallës së Parë të Juridiksionit të Përgjithshëm Fier ka regjistruar procedimin penal nr.509, datë 16.04.2025, për veprën penale “Goditjet për shkak të detyrës”, e kryer në bashkëpunim, e parashikuar nga nenet 237/3 e 25 të Kodit Penal, mbi bazën e njoftimit nga shërbimet e policisë gjyqësore për një ngjarje të ndodhur në vendin e quajtur “Rrethrrotullimi i Parkut”, Fier.
Menjëherë pas njoftimit, policia gjyqësore nën drejtimin e Prokurorise Fier, ka kryer veprimet e para hetimore nga të cilat është dokumentuar se, një hetues i Byrosë Kombëtare të Hetimit dhe oficerët e Forcës së Posaçme Operacionale të Policisë së Shtetit, kanë qenë duke kryer veprime hetimore në kuadër të një hetimi të Prokurorisë së Posaçme kundër Korrupsionit dhe Krimit të Organizuar, në aksin rrugor Fier-Patos, në afërsi të fshatit Portëz e Madhe, Fier.
Gjatë kohës që ishin duke kryer veprime, ata janë filmuar nga shtetasi O.I., ç’ka i ka detyruar të largohen nga vendi ku ishin pozicionuar. Rreth 30 minuta më pas, gjatë kohës që ishin duke qendruar në mjetin e tyre në një vend tjetër, në anë të rrugës publike pranë vendit të quajtur “Rrethrrotullimi i Parkut”, të qytetit të Fierit, u janë afruar tre automjete nga kanë kanë zbritur disa persona, të cilët kanë ushtruar dhunë fizike ndaj punonjësve të policisë, pavarësisht prezantimit të këtyre të fundit.
Në vijim të veprimeve të para hetimore, Prokuroria ka paraqitur në gjykatë kërkesën për vleftësimin e ligjshëm të arrestimit në flagrancë dhe caktimin e masës së sigurimit personal ndaj shtetasve K.K., L.K. dhe G.K.
Prokuroria pranë Gjykatës së Shkallës së Parë të Juridiksionit të Përgjithshëm Fier shpreh angazhimin e plotë për hetimin dhe vënien para përgjegjësisë ligjore të personave që kryejnë vepra penale të cilat cenojnë jetën e shëndetin e punonjësve të policisë së shtetit dhe të personave që kryejnë detyrë shtetërore apo shërbim publik.
Ish-kryebashkiaku i Mallakastrës, Agron Kapllanaj në daljet e tij publike, ka pretenduar se njerëzit e tij nuk kanë ushtruar dhunë ndaj agjentëve të BKH-së dhe efektivëve të forcave operacionale. Gjithashtu është shprehur se kanë qenë punonjësit e policisë dhe hetuesit të cilët nuk kanë treguar se kush janë por kanë nxjerrë armët dhe kanë kërcënuar dhe ofenduar palën tjetër.
