Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Përshtati lokalin në ‘dyqan droge’, arrestohet banakierja, në kërkim pronari, nën hetim edhe kushëriri tij, u kap me 13 mijë euro cash
M.B.Përditësimi i fundit 8 Dhjetor 2024, 12:47
FIERI- Autoritetet në Fier kanë ushtruar kontrolle në ambiente të ndryshme për goditjen e veprimtarisë kriminale në fushën e narkotikëve, konkretisht në një lokal. Bëhet me dije se e punësuar si kameriere dhe banakiere në një lokal në lagjen “1 Maji”, Fier, u kap në flagrancë dhe nga kontrolli fizik iu gjet dhe sekuestrua një sasi e lëndës së dyshuar narkotike kanabis sativa. 42-vjeçarja u arrestua për veprën penale “Prodhimi dhe shitja e narkotikëve”.
Gjithashtu në vijim të veprimeve u shpall në kërkim për veprën penale “Përshtatja e lokalit për përdorim droge”, pronari i lokalit, shtetasi Sokol Osmeni, 43 vjeç, banues në Fier. Ndërkohë u procedua në gjendje të lirë për veprën penale “Pastrim i produkteve të veprës penale ose veprimtarisë kriminale”, një 30-vjeçar, banues në Fier, pasi nga kontrolli i automjetit të parkuar në lokal, iu gjetën dhe sekuestruan një sasi parash prej 13. 000 euro të cilat dyshohet t’i ketë përfituar nga kjo veprimtari kriminale.
Njoftimi:
Kishte përshtatur lokalin për veprimtarinë kriminale në fushën e narkotikëve, shpallet në kërkim pronari i lokalit. Në kuadër të operacionit të koduar “Drugs”, është vënë në pranga një 42-vjeçare, që shiste drogën në lokal.
Procedohet edhe një 30-vjeçar, kushëriri i pronarit të lokalit pasi gjatë kontrollit ju gjetën 13.000 euro të dyshuara të përfituara nga veprimtaria kriminale.
Specialistët për Hetimin e Narkotikëve në bashkëpunim me Forcën e Posaçme Operacionale dhe shërbimet e Forcës së Posaçme Shqiponja, në kuadër të kontrolleve të ushtruara në ambiente të ndryshme për goditjen e veprimtarisë kriminale në fushën e narkotikëve, në kuadër të operacionit policor të koduar “Drugs”, kanë vënë në pranga shtetasen Marinela Kita, 42 vjeçe, banuese në Fier.
E punësuar si kameriere dhe banakiere në një lokal në lagjen “1 Maji”, Fier, kjo shtetase u kap në flagrancë nga shërbimet e Policisë dhe nga kontrolli fizik iu gjet dhe sekuestrua një sasi e lëndës së dyshuar narkotike cannabis sativa. 42-vjeçarja u arrestua për veprën penale “Prodhimi dhe shitja e narkotikëve”.
Nga kontrolli i lokalit u gjetën mbetje të lëndës narkotike cannabis sativa që dyshohet se ishte konsumuar nga klientë të ndryshëm të lokalit.
Në vijim të veprimeve u shpall në kërkim për veprën penale “Përshtatja e lokalit për përdorim droge”, pronari i lokalit, shtetasi Sokol Osmeni, 43 vjeç, banues në Fier.
Gjithashtu u procedua në gjendje të lirë për veprën penale “Pastrim i produkteve të veprës penale ose veprimtarisë kriminale”, shtetasi M. O., 30 vjeç, banues në Fier, pasi nga kontrolli i automjetit të parkuar në lokal, iu gjetën dhe sekuestruan një sasi parash prej 13. 000 euro të cilat dyshohet t’i ketë përfituar nga kjo veprimtari kriminale.
Në cilësinë e provës materiale u sekuestrua lënda narkotike, 13.000 euro, 1 automjet, 1 grirëse dhe 3 celularë.
Vijon puna për kapjen e pronarit të lokalit dhe dokumentimi i plotë ligjor i kësaj veprimtarie kriminale. Materialet procedurale i kaluan Prokurorisë për veprime të mëtejshme.
