Kryeministri në detyrë i Kosovës, Albin Kurti, ka reaguar ndaj ceremonisë me nderime shtetërore të organizuar në Serbi p&eu...
AKTUALITET
Plagosja e 18-vjeçares/ Gjykata vendos “Arrest me burg” për Erisjaldo Gjutën
PiranjatPërditësimi i fundit 17 Shkurt 2026, 10:59
Gjykata e Tiranës ka liruar këtë të martë nga qelia Vladimir Gjutën dhe Myrvete Rexhmati Gjuta, të cilët u arrestuan pas vetëplagosjes së një 18-vjeçare në hotelin në pronësi të familjes Gjuta në Sauk, të Tiranës.
Ndaj tyre u caktua masa e “detyrimit për paraqitje”.
Ndërkohë për Erisjaldo Gjutën, të dashurin e të resë, gjykata ka caktuar masën “arrest në burg”.
Ngjarja e rëndë u regjistrua mesnatën e 14 shkurtit, në një hotel në Sauk, të Tiranës në pronësi të familjes Gjuta. 18-vjeçarja Natali Murati dyshohet se u vetëplagos me armë zjarri.
Sipas dëshmisë së Natalit, ajo ka qenë e vetme në dhomë në momentin e vetëplagosjes, ndërsa i dashuri i saj, Erisjaldo Gjuta, ndodhej jashtë së bashku me familjarë të tij.
Pas të shtënës, në dhomë kanë hyrë Sajmir Gjuta dhe Erisjaldo Gjuta, të cilët kanë dëgjuar krismën. Më pas janë njoftuar edhe anëtarët e tjerë të familjes: Mirvete Rexhmati Gjuta, Vladimir Gjuta dhe Elvir Gjuta, ky i fundit në kërkim nga policia.
Sipas hetimeve, disa prej tyre dyshohet se kanë ndërhyrë në vendin e ngjarjes, duke fshehur armën e zjarrit dhe duke pastruar gjurmët e gjakut. Mirvete Rexhmati Gjuta dhe Elvir Gjuta e kanë transportuar 18-vjeçaren drejt spitalit.
Fillimisht është deklaruar se vajza ishte gjetur e shtrirë pranë zonës së “Ekonomikut”, por hetimet e mëvonshme zbuluan se ngjarja kishte ndodhur brenda hotelit të familjes Gjuta në Sauk.
Në dëshminë e saj, Natali Murati ka pohuar se ka qenë vetëm në dhomë në momentin e vetëplagosjes. Ajo ka deklaruar gjithashtu se më herët kishte tentuar të dëmtonte veten duke konsumuar medikamente.
Pasi 18-vjeçarja ka dhënë dëshminë, Policia ka arrestoi Vladimir Gjuta, xhaxhai i 22-vjeçarit me të cilin vajza kishte raport intim, dhe Mirvete Gjuta, nëna e tij, të akuzuar për veprat penale “Moskallëzim i krimit” dhe “Veprime që pengojnë zbulimin e së vërtetës”.
Në kërkim u shpallën Sajmir Gjuta 49 vjeç babai i 22-vjeçarit, kushëriri Elvir Gjuta 24 vjeç, të akuzuar për “Moskallëzim i krimit” dhe “Veprime që pengojnë zbulimin e së vërtetës”.
