Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
“Po mendoja për ty” - Publikohen mesazhet e modeles shqiptare me Jeffrey Epstein: Zemër, jam ende beqare
PiranjatPërditësimi i fundit 27 Shkurt 2026, 14:54
Janë zbardhur disa nga komunikimet mes modeles shqiptare Misse Beqiri Maloku me Jeffrey Epstein. Nga bisedat e publikuara kuptohet se mes tyre kishte një marrëdhënie jo vetëm shoqëror, por edhe afërsi personale.
Emri i saj përmendet në dhjetëra shkresa tashmë publike nga Departamenti i Drejtësisë, ku edhe pse disa janë të redaktuara, emri i saj i plotë mbetet i ekspozuar.
Sipas komunikimeve, Misse kontaktoi për herë të parë me Epstein më 8 shtator 2011. Në email-in e parë ajo shkruante: “Përshëndetje Jeffrey, jam Misse, një shoqe e Tancredit. Ai më tha të të shkruaj në lidhje me qëndrimin tim në Nju Jork. Mikpritja juaj vlerësohet shumë! Do të mbërrij më datë 10 dhe do të largohem më datë 18. Tancredi më ka folur shumë për ju dhe për faktin sa shumë ju vlerëson, dhe mezi pres të takohemi. Me respekt, Missi.”
Asistentja personale e Epstein, Lesley Groff, i kërkoi më pas fotografi dhe të dhëna për shqiptaren.
“Përshëndetje Misse, A mund të më dërgosh, të lutem, detajet e mbërritjes tënde në Nju Jork nesër? Kam rregulluar që gjatë qëndrimit tënd të akomodohesh në një nga apartamentet e tij për mysafirë. Adresa është 301 E 66th St. Do të jesh në apartamentin 4M. Portieri do të ketë një letër për ty me kodin e hyrjes së apartamentit; ne nuk përdorim çelësa, por tastierë me kod për të hyrë. A mund të më japësh edhe numrin tënd të telefonit?”
Takimi i parë u zhvillua më 17 shtator 2011 në vilën e Epstein në Manhattan. Pas këtij takimi, bisedat vazhduan me afrimitet, ku Epstein sugjeronte takime me shoqe të saj në Milano dhe plane për udhëtime në Paris, Karaibe dhe projekte në botën e modës. Misse përgjigjej duke përmendur se disa shoqe kishin frikë për shkak të marrëdhënieve personale.
Më 26 shtator 2011, ajo i shkruante: “Zemër, e humba telefonin… lol. Jam në Suedi, kam punë këtu këtë javë, më 10 po nisem për në Milano. Si je? Po mendoja për ty dje… Xxx.”
Më tej ajo shkruante: “Jam në Paris, ku je? Sapo mbërrita sot në shtëpi për Krishtlindje. Jam ende beqare, kam dalë me dikë, por nuk jam gati për asgjë serioze ende… Ku je ti?”
Jeffrey Epstein shkroi: “Ku je dhe si e ka emrin ai?”
Komunikimi i fundit i publikuar daton më 22 mars 2012. Sipas The Sun, Epstein i ofroi asaj një udhëtim me avion privat në Paris, ku ai mezi priste të shkonte me të në një sfilatë mode në qytet. Po ashtu ai i kishte premtuar edhe një Mercedes me vlerë 100,000 paund.
E lindur në Shqipëri dhe e rritur në Suedi, Misse Beqiri ka ndërtuar karrierën e saj në Mbretërinë e Bashkuar si modele dhe figurë televizive. Sot, Misse është 39 vjeçe, nënë e dy fëmijëve dhe ish-bashkëshortja e portierit danez të Manchester United, Anders Lindegaard.
Ajo u bë e njohur për publikun britanik përmes paraqitjes në The Real Housewives of Cheshire, ku në qendër të vëmendjes ishte edhe martesa e saj me ish-portierin Lindegard.
Divorci i tyre, si dhe lidhja e mëvonshme me Jake Hall, u pasqyruan gjerësisht në media, duke ndikuar në imazhin e saj publik.
