Në mbështetje të studentëve që protestojnë para Ministrisë së Arsimit, protestës i është bashkuar edhe ...
AKTUALITET
Policia arrestoi të miturin gjatë protestës, Komisioneri për Mbrojtjen nga Diskriminimi: E papranueshme, pavarësisht rrethanave
PiranjatPërditësimi i fundit 25 Janar 2026, 18:04
Komisioneri për Mbrojtjen nga Diskriminimi ka reaguar lidhur me veprimet e Policisë së Shtetit ndaj një të mituri, i cili është shoqëruar në komisariat pas protestës së opozitës ditën e djeshme.
Në një deklaratë për mediat, KMD i kërkon Policisë transparencë të plotë mbi arsyet e shoqërimit, si dhe sqarim nëse gjatë ndalimit është ushtruar dhunë ndaj të miturit.
Njoftimi:
Komisioneri për Mbrojtjen nga Diskriminimi u njoh përmes mediave të veprimeve të Policisë së Shtetit për të shoqëruar në komisariat një të mitur, pjesëmarrës ose në mënyrë rastësore i pranishëm, në protestën e zhvilluar dje në kryeqytet.
Komisioneri për Mbrojtjen nga Diskriminimi nxit Policinë e Shtetit të analizojë ngjarjen dhe aktet e efektivëve, në përputhje me parimet dhe garancitë ligjore për të miturit. Gjithashtu, të kryejë hetime dhe të bëjë transparencë mbi motivet e ndalimit dhe nëse ka pasur dhunë të ushtruar.
Shoqërimi i të miturve në komisariate është e papërshtatshme, e papranueshme dhe jo proporcionale si dhe kërkon gjithmonë praninë e një psikologu apo/dhe punonjësi social, për përkujdesje të specializuar. Sjellim në vëmendje të autoriteteve, se: të miturit duhet të trajtohen në atë mënyrë, që promovon ndjenjën e tyre të dinjitetit njerëzor dhe vlerave, që pasqyron interesin më të lartë të fëmijës dhe, merr parasysh nevojat e moshës, pavarësisht rrethanave.
