Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Premtimi i pambajtur/ Asnjë shkollë me drekë këtë shtator në Tiranë
PiranjatPërditësimi i fundit 7 Shtator 2025, 22:12
Më 3 shkurt, vetëm një javë para se kryebashkiaku Erion Veliaj të arrestohej në zyrë, pas urdhër arrestit të Prokurorisë Speciale, dha premtimin se nga shtatori i këtij viti shkollave 9 vjeçare në Tiranë do të ofrohej drekë falas.
“Bashkë me Ogertën, (shënim: Ogerta Manastirliu, ministrja e Arsimit) dhe skuadrat tona do të kemi takimin e parë që të hartojmë strategjinë dhe gjatë verës duam të marrim vendimet dhe në shtator Tirana do të jetë qyteti i parë në Shqipëri që nxënësit e shkollave 9-vjeçare do të kenë drekën të përfshirë dhe do të qëndrojnë deri në orën 4.00 pasdite”, tha kryebashkiaku i Tiranës, Erion Velia
Në shkollë pa drekë E hëna, (8 shtator) është dita e parë e nisjes së vitit të ri shkollor parauniversitar 2025-2026, por në asnjë shkollë të Tiranës nuk do ketë menza, tenxhere supe dhe “shërbim marketingu, PR”, sesi zyrtarët e lartë lokal dhe qëndror shpërndajnë ushqim, bashkë me mesazhet politike
“Nisma ‘Ushqimi në shkolla’ është në fazën e diskutimit me Ministrinë e Arsimit dhe Sportit. Në momentin që kjo nismë do të miratohet sipas akteve ligjore dhe nënligjore në fuqi do të bëhet publike për të gjithë të interesuarit”, thotë Bashkia Tiranë në qëndrimin zyrtar për Faktoje.
Çështja është ende në fazë diskutimesh, duke mos lënë një afat se kur mund të nisë projekti qoftë edhe pilot, që u premtua se do të niste fillimisht në Tiranë.
“Do vëmë në jetë dhe projektin më të ri të përbashkët mes qeverisë dhe bashkisë që në shkollat 9-vjeçare të fusim edhe ushqimin e drekës”, tha Rama në të njëjtin takim më 3 shkurt ku ishte i pranishëm kryebashkiaku Veliaj dhe ministrja Manastirliu.
Faktoje.al iu drejtua përmes një kërkese për informacion për të njëjtën çështje edhe ministrisë së Arsimit dhe Sportit, por deri në publikimin e këtij lajmi nuk kemi marrë ende përgjigje.
Veliaj “gjen shkakun” Kryebashkiaku Erion Veliaj, në mesazhin e dhënë nga burgu të publikuar në rrjetin e tij social Facebook arsyen e “shkollave pa drekë” e lidh me arrestimin e tij.
“…ndihem i keqardhur që u penguam në projektin tonë të drekës falas në shkolla, një ide që e kam dashur prej kohësh dhe që më në fund ishim gati ta implementonim. Dreka do ushqente fëmijët e Tiranës nga e majta dhe e djathta, vendalinjtë dhe të ardhurit. Ndalimi arbitrar i vullnetit të popullit për t’u qeverisur në bashki prodhon pasoja, ku projekti i drekës në shkolla është vetëm njëri prej tyre” shkruan Veliaj.
Përfundimi Premtimi i Bashkisë Tiranë që, në bashkëpunim me Ministrinë e Arsimit, do të nisnin nga ky shtator projektin për drekë falas në shkollat 9 vjeçare të Tiranës e konsiderojmë të pambajtur.
