Tirana po përballet ditën e sotme me një trafik të rënduar, i cili përkon edhe me fluksin e makinave në ditën e par&eu...
AKTUALITET
“Projekti Liria”/ Trump i hap rrugë operacionit të ri në Hormuz
PiranjatPërditësimi i fundit 3 Maj 2026, 23:05
Presidenti i SHBA-së, Donald Trump, ka njoftuar nisjen e një operacioni për të mundësuar kalimin e sigurt të anijeve të vendeve të treta nëpër Ngushticën e Hormuzit, duke e cilësuar ndërhyrjen si humanitare dhe në mbështetje të vendeve neutrale të bllokuara në rajon.
Në një postim të tij, Trump theksoi se shumë vende që nuk janë të përfshira në konfliktin në Lindjen e Mesme i janë drejtuar SHBA-së për ndihmë në zhbllokimin e anijeve të tyre. Sipas tij, bëhet fjalë për anije të “vëzhguesve neutralë dhe të pafajshëm”, të cilat nuk kanë lidhje me armiqësitë në zonë.
Presidenti amerikan u shpreh se Uashingtoni është i përkushtuar për t’i nxjerrë këto anije në mënyrë të sigurt nga zonat detare të rrezikshme, në mënyrë që ato të vijojnë normalisht aktivitetin tregtar. Ai sqaroi gjithashtu se këto anije nuk pritet të rikthehen në zonë derisa të garantohen plotësisht kushtet e sigurisë për lundrim.
Operacioni, i quajtur “Projekti Liria”, pritet të nisë të hënën. Trump theksoi se iniciativa ka karakter thjesht humanitar, pasi synon të lehtësojë situatën për ekuipazhet dhe kompanitë e bllokuara, të cilat nuk janë pjesë e konfliktit. Sipas tij, shumë prej anijeve përballen me mungesë ushqimi dhe furnizimesh bazë, duke rënduar kushtet e jetesës së ekuipazheve.
Megjithatë, presidenti amerikan paralajmëroi se çdo përpjekje për të penguar operacionin do të përballet “me vendosmëri”, duke lënë të hapur mundësinë e përdorimit të forcës në rast ndërhyrjeje.
Albanian Jewish Community
The announcement of a possible concert by Kanye West in Albania may, at first glance, appear to be a routine cultural development &md...
