Një ngjarje e rëndë është regjistruar këtë të premte në zonën e njohur si “Casa Italia”, ku nj&e...
AKTUALITET
“Projektligji për statusin e gjyqtarëve është mafioz dhe antikushtetues”/ Blushi: Rrënon drejtësinë, të tërhiqet menjëherë
PiranjatPërditësimi i fundit 21 Janar 2026, 12:47
Deputeti i Partisë së Lirisë, Tedi Blushi e ka cilësuar projektligjin për statusin e gjyqtarëve si një vijim të “grushtit të shtetit ndaj drejtësisë dhe Reformës në Drejtësi”.
Në fjalën e tij, në mbledhjen e komisionit të Ligjeve, Blushi deklaroi se projektligji përbën një përpjekje flagrante për kapjen dhe vendosjen nën kontroll absolut politik të pushtetit gjyqësor.
“Ky projektligj shkel hapur Kushtetutën, cenon parimin themelor të ndarjes së pushteteve dhe rrëmben kompetencat ekskluzive të Këshillit të Lartë Gjyqësor për emërimin e kryetarëve të gjykatave” u shpreh Blushi.
Sipas tij, iniciativa ligjore rrënon themelet e drejtësisë dhe e shndërron atë në një zgjatim të asaj që ai e quajti “Narkopushtet”.
Blushi akuzoi kryeministrin Edi Rama për një “atentat shumë të rëndë” ndaj sistemit të drejtësisë, me qëllim, sipas tij, kontrollin absolut të asaj pjese të sistemit që ende nuk është nën ndikimin e qeverisë.
“Kjo është vijim i instalimit të ‘Ramaformës’ si strategji për asgjësimin e shtetit ligjor,” theksoi ai.
Partia e Lirisë, sipas Blushit, kërkon me forcë ‘tërheqjen e menjëhershme të projektligjit’, të cilin e cilësoi si ‘mafioz dhe antikushtetues’. Ai shtoi se mbështet plotësisht qëndrimin kushtetues dhe parimor të Shoqatës Kombëtare të Gjyqtarëve lidhur me këtë nismë ligjore.
