Krahas përdorimit të këtyre mjeteve, janë raportuar edhe raste të dhunës ndaj të rinjve gjatë shoqërimit të ty...
AKTUALITET
Protestat/ Avokati Bici: Arrestime të paligjshme, polici që firmos, në të njëjtën kohë në tre vende të ndryshme
PiranjatPërditësimi i fundit 21 Tetor 2026, 10:38
Avokati Henri Bici ka qenë i ftuar në emisionin e mëngjesit ‘Kafe Shqeto’ në syri tv.
Ai ka përcjellë gjatë bisedës me moderatorin Flavio Qarri situatën e arrestimeve të paligjshme që po bën policia ndaj qytetarëve që po protestojnë dhe kërkojnë dorëheqjen e tij.
Flavio Qarri: Sa i takon arrestimeve shoqërimeve. Nëpërmjet kolegëve të tu mund të na japësh një panorame, për numrat, për trajtimin e tyre për fatin etyre mbi të gjithë:
Henri Bici: Fatkeqësisht, panorama që paraqiti Auloni është shumë e qartë dhe e vërtetë. Kemi të bëjmë me një valë arrestimesh masive. Duhet të kuptojmë se faktet që kanë ndodhur në terren në përgjegjësinë penale të gjithsecilit nuk kanë lidhje, sepse ne po i shohim dita ditës në gjykatë. Pra, çfarë po ndodh. Policia bën valë arrestimesh masive. Procesverbalet dhe raportet e shërbimit janë të gjitha njëlloj. Nuk përmbajnë asnjë detaj të ndryshëm nga njëri – tjetri. Pra çdo njeri po sillet për masë sigurimi ose po arrestohet në flagrancë mbi një raport shërbimi të firmosur nga disa efektivë policie. Këtu dua të shtoj diçka që kemi vënë re dhe që është me të vërtetë për të ardhur keq. Pra një efektiv policie ka firmosur raporte shërbimi, pra në të njëjtën kohë ka qene edhe tek 21 dhjetori, edhe në qendër, edhe tek Gjykata Kushtetuese. Pra një efektiv ka konstatuar veprime të paligjshme në tre vende të ndryshme në të njëjtën orë.
Flavio Qarri: Këto e lehtësojnë pozitën e të ndaluarve apo për momentin nëse gjykohen nga gjyqtarë të ndryshëm, mund të kenë sukses si mashtrime. Se këto janë mashtrime.
Henri Bici: Patjetër që ne kemi referuar të gjithë këto raste, kur janë zhvilluar gjykimet e masave të sigurimit që i kemi referuar gjyqtarit hetimet paraprake dhe çdo detaj dhe çdo pretendim i joni është marrë në konsideratë dhe normalisht do të hetohet dhe ka patur raste kur gjyqtarë të caktuar kanë urdhëruar verifikimin e çdo veprimi të çdo efektivi policie dhe kjo është shumë pozitive mendoj unë. Ka patur gjyqtarë të caktuar të cilët kanë evidentuar çdo dëmtim të protestuesve dhe kanë mbajtur procesverbalet e seancave gjyqësore ne mënyrë shumë të qartë. Duhet të kemi parasysh që Prokuroria dhe Gjykatat gjenden në një situatë, emergjente alarmante. Pra, me gjithë arrestimet masive, janë bërë sekuestro të telefonave pa fund. Madje jo më larg se dje një prokuror më tha se është bërë zyra si një dyqan telefonash dhe nuk e kuptoj se çfarë duan të arrijnë me sekuestrimin e telefonave të protestuesve. Pra e zëmë se aty ka një komunikim ndërmjet dy personave që duan të marrin pjesë në protestë. Nuk është kriminale të marrësh pjesë në protestë.
Apo më tej kemi procesverbale të sekuestrimit të sendeve. U gjet një kapuç. Pra po kriminalizojmë kapuçin. Gjyqtarit sinqerisht po i vjen turp që i paraqiten dosje të tilla në gjykatë. Si gjyqtarit si prokurorit.
