Dashi
Përpiquni të shmangni polemikat dhe diskutimet. Edhe me fjalë nëse është e mundur thoni se jeni të disponueshëm p...
AKTUALITET
Pyetjet që Ademi dhe Pacolli nuk po i përgjigjen/ Ola Xama: 47% apo 25% aksioner, llogaritë nuk dalin në Aeroportin e Vlorës
PiranjatPërditësimi i fundit 13 Nëntor 2025, 15:46
Gazetarja Ola Xama ka reaguar pas deklaratës që biznesmeni Valon Ademi ka bërë në lidhje me Aeroportin e Vlorës. Ademi i cili është ortak me Behgjet Pacollin ka hedhur akuza të forta ndaj biznesmenit, duke e quajtur këtë të fundit si mashtrues me të cilin do merret prokuroria. Ademi hedh pretendime se Behgjet Pacolli e ka shitur me dhunë Aeroportin e Vlorës, tek një kompani me emrin Delphos, ndërkohë që pas saj qëndron një tjetër kompani e panjohur me kapital ne Offshore, Compartment Bernina.
Po ashtu Xama shpjegon se biznesmeni Pacolli nga Kosova, prej kohësh përmes qeverisë shqiptare ka qenë i përfshirë në biznese me ish-Bashkimin Sovjetik, (me rusët).
Postimi i plotë:
Akuzat që bëhen për tentativa se kontratën koncesionare kërkon ta marrë një kompani ruse janë të pabesueshme. Z. Ademi duhet të sqarojë se çfarë e pengon sot z.Pacolli që të shesë kompaninë Mabco te një firmë kineze, ruse apo qoftë e Koresë së Jugut? Asgjë. Përse duhet ta bëjë këtë manovër përmes marrjes së huasë dhe jo drejtpërdrejt kur nuk e pengon asgjë?
Kriteret ku shteti jep miratimin për shitjen e aksioneve në një kontratë koncesionare janë shumë të qarta: duhet që kompania të ketë të njëjtën përvojë teknike dhe kapacitet financiar me atë që largohet që të mos rrezikojë zbatimin e projektit. Pra kushti lidhet me aftësinë e saj dhe jo me pronarin. Dhe projekti është rrezikuar te pika e operimit për shkak të largimit të firmës turke YDA me konsensusin e dy ortakëve (Ademi dhe Pacolli) dhe miratimin e Ministres së Infrastrukturës dhe Energjisë!
Këtë duhet të sqarojnë të dy aksionerët e Aeroportit të Vlorës: përse morën në kontratë kompaninë turke? Kush i këshilloi ta marrin dhe si ka mundësi që përpara se të fitohet një kontratë publike duhet të takohet ministri i Infrastrukturës dhe Energjisë?
Te intervista e djeshme e Valon Ademit nuk kuptova dy gjëra:
1. Ademi pretendon 47% të aksioneve në bazë të një vlere investimi 25 milion euro të kryer nga fimra e tij 2A Group, ndërsa vlera e investuar gjithsej në këtë kontratë (sipas asaj që tha) është 100 milion euro. Atëherë përse nuk pretendon 25% të aksioneve por 47%?
2. Faktin që z.Pacolli është i lidhur me Kremlinin e zbuloi së fundi apo historia e tij që ka patur biznese në vendet e ish-Bashkimit Sovjetik njihet nga të gjithë përfshirë dhe nga qeveria shqiptare?
