Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
AKTUALITET
Qytetarët treguan interes të ulët për votimet, Celibashi: Kufiri i pjesëmarrjes nuk është kusht për vlefshmërinë e zgjedhjeve
PiranjatPërditësimi i fundit 10 Nëntor 2025, 13:48
Drejtuesi i Komisionit Qendror të Zgjedhjeve, Ilirjan Celibashi, ka komentuar procesin dhe rezultatet e zgjedhjeve të pjesshme lokale që u mbajtën një ditë më parë në pesë bashki të vendit, duke theksuar se fituesit kanë “legjitimitet të plotë” sipas ligjit zgjedhor.
Në një deklaratë për mediat, Celibashi u shpreh se zgjedhjet janë zhvilluar në përputhje me standardet ligjore dhe se rezultatet janë të vlefshme, pavarësisht nivelit të pjesëmarrjes në votim.
“E konfirmoj që ata që janë zgjedhur kryetarë të këtyre pesë bashkive kanë legjitimitet të plotë sipas ligjit. Rezultati është legjitim,” deklaroi Celibashi.
Kreu i KQZ-së shtoi se çështja e pjesëmarrjes në zgjedhje mbetet më shumë një debat politik sesa ligjor.
“Do të mbetet diskutimi lidhur me përqindjen që kanë marrë në raport me popullatën ose jo. Për mendimin tim, nuk është domosdoshmëri të ketë një kufi të pjesëmarrjes për të konsideruar zgjedhjet të vlefshme,” tha ai.
Celibashi theksoi se, ndonëse ka qëndrime të ndryshme mbi këtë çështje, vlerësimi për pjesëmarrjen dhe përfaqësimin i takon forcave politike dhe vetë qytetarëve.
“Ka dhe një grup që mendon të kundërtën. Ta vlerësojë politika dhe partitë cili është interesi i qytetarëve. Për mua, edhe ata që nuk votojnë kanë një qëndrim mbi situatën,” përfundoi Celibashi.
