Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbaj...
AKTUALITET
Rasti Qyno në Kushtetuese/ Artan Hoxha: S'ka të bëjë me personat konkret, ka të bëjë në tërësi me median! Mesazh i qartë për të mos kaluar "vijën e kuqe"
M.B.Përditësimi i fundit 10 Prill 2025, 22:02
TIRANA- Gazetari Artan Hoxha ka folur ditën e sotme për rastin e kolegut Elton Qyno në Gjykatën Kushtetuese. I ftuar në "Çim Peka Live", Hoxha tha se ky rast nuk ka të bëjë me personat konkret, por ka të bëjë në tërësi me median. Ai shtoi se rasti i Qynos ishte mesazh i qartë nga drejtësia për të ndërprerë informacionin në media që kjo e fundit sipas tyre "të mos kalojë vijën e kuqe".
"S'ka të bë me personat konkret, ka të bëjë në tërësi me median ne duhet ta shikojmë si një çështje që ka të bëjë me lirinë e të shprehurit dhe me median në përgjithësi. Nga momenti që ka ndodhur rasti i parë ndaj kolegut Qyno dh epastaj kur u bë i dyti në nëntor të vitit të kaluar ju po të shikoni reagimet në media janë shuar s'ke më informacione nga brenda SPAK, s'ke më informacione sidomos me këto që kanë të bëjnë me rrjetet e kriptuara sepse mesazhi është i qartë, nëse kaloni vijën e kuqe, juve do t'ju gjejë kjo që ka gjetur këtë përpara.
Hetimi ka nisur në datën 11 dhjetor 2023, ku Elton Qyno ka bërë një shkrim ku ka nxjerrë mesazhe të kriptuara të rrjeteve Sky, Encrochat. Në datën 12 dhjetor 2023, është regjistruar referimi i çështjes për rrjedhje informacioni dhe në datën 13 ditën tjetër, është shkuar menjëherë tek Elton Qyno, pra gazetari. Kush është objekti i hetimit, janë 3 prokurorë, mes tyre dhe kreu i prokurorisë së Posaçme, Altin Dumani, Doloreza Musabelliu dhe Behar Dibra, sepse këtë material e kanë pasur ata në dosje, e asnjë tjetër", tha Hoxha.
