Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Romario Brunga u gjet i vdekur në makinë në Balldren të Lezhës/ Policia jep detaje: Viktima kishte vetëm një plagë të shkaktuar nga armë zjarri
r.llPërditësimi i fundit 6 Shkurt 2025, 18:15
vendngjarja
LEZHË- Romario Brunga, rreth 25 vjeç është gjetur i vrarë me armë zjarri në makinë në rrugën e vjetër të Balldrenit në Lezhë. Policia e Lezhës bën me dije se brenda në automjet një armë zjarri, tip pistoletë, dhe një gëzhojë.
Nga veprimet e para hetimore, ka rezultuar se automjeti nuk ka dëmtime të jashtme nga plumba, ndërsa viktima ka vetëm një plagë të shkaktuar nga armë zjarri. Vijojnë ende veprimet hetimore në vendngjarje për të përcaktuar nëse kemi të bëjmë me vetëvrasje apo me vrasje.
NJOFTIMI I POLICISË:
Lezhë/Informacion Paraprak
Në rrugën e vjetër të Balldrenit është gjetur i pajetë brenda në automjetin e tij, shtetasi R. B., rreth 25 vjeç.
Nga veprimet e para të kryera në vendngjarje nga grupi hetimor, është gjetur brenda në automjet një armë zjarri, tip pistoletë, dhe një gëzhojë.
Po nga veprimet e para, rezulton se automjeti nuk ka dëmtime të jashtme nga armë zjarri, ndërsa viktima ka vetëm një plagë të shkaktuar nga armë zjarri.
Grupi hetimor, nën drejtimin e Prokurorisë, vijon veprimet intensive në vendngjarje për zbardhjen e plotë të rrethanave dhe dokumentimin ligjor të ngjarjes, për të përcaktuar nëse kemi të bëjmë me vetëvrasje apo me vrasje.
Në lidhje me këtë ngjarje do të ketë informacion më të plotë pas përfundimit të veprimeve të para hetimore.
