Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
Sfidoi Anglinë për herë të tretë! Daily Mail artikull për Dorian Pukën: Makthi i fqinjëve. Vetëm ora i kushton 185 mijë paund
PiranjatPërditësimi i fundit 30 Nëntor 2025, 11:34
Daily Mail i ka kushtuar një artikull Dorian Pukës, 31-vjeçarit shqiptar, i cili reklamon jetën e luksit në TikTok. Në artikull, tabloidi anglez e përshkruan Pukën si “makthin e fqinjëve”, duke u përqendruar tek sjelljet e tij arrogante dhe zhurma që bën me supermakinën e tij Lamborghini.
Fqinjët thonë se ai është i pasjellshëm, nuk thotë asnjë “përshëndetje” dhe parkon makinën ku të dojë, duke e bërë prezencën e tij një shqetësim të vazhdueshëm.
Përtej imazhit të luksit me makina, orë dhe veshje të shtrenjta, Puka ka një histori kriminale të gjatë në Britani. Ai është burgosur dy herë dhe deportuar dy herë për vjedhje me thyerje, por megjithatë ka arritur të rikthehet dhe po kërkon azil.
Artikulli përshkruan gjithashtu sjelljet e tij sfiduese ndaj autoriteteve, ku Puka tall publikisht Ministrinë e Brendshme dhe policinë, duke shfaqur luksin e tij në TikTok dhe rrjete të tjera sociale.
Ai është parë duke darkuar në restorante luksoze, qëndruar në hotele pesë yje dhe drejtuar koleksione makinash të shtrenjta, ndërkohë që vazhdon të sfidojë ligjin dhe rregulloret e imigracionit britanik.
