Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
AKTUALITET
Shisnin lëndë narkotike në zona të ndryshme të kryeqytetit, dy të rinjtë bien në prangat e policisë
PiranjatPërditësimi i fundit 14 Tetor 2025, 09:42
Policia e Tiranës ka arrestuar dy të rinj, të cilët akuzohen për shpërndarje të lëndëve narkotike kanabis sativa në zona të ndryshme të kryeqytetit. Sipas uniformave blu, njëri prej të arrestuarve kishte fshehur lëndën narkotike në një vendparkim automjetesh, në afërsi të vendit ku u kap, me qëllim ta shiste.
I arrestuari tjetër, përveç lëndës narkotike, posedonte gjithashtu dy armë të ftohta, të cilat u sekuestruan nga policia gjatë kontrollit. Hetimet vijojnë për të zbardhur më tej rrethanat e ngjarjes dhe për të përcaktuar lidhjet e mundshme të të dyshuarve me grupe të tjera kriminale që merren me trafikun e lëndëve narkotike.
Njoftimi i policisë:
Tiranë/Goditje të njëpasnjëshme kundër prodhimit dhe shitjes së narkotikëve.
Identifikohen, kapen dhe vihen në pranga 2 shtetas që shitnin lëndë narkotike Cannabis Sativa, në zona të ndryshme të kryeqytetit.
Njëri prej të arrestuarve e kishte fshehur lëndën narkotike që do të shiste, te një vendparkim automjetesh, në afërsi të vendit të kapjes.
I arrestuari tjetër, përveç lëndës narkotike, posedonte dhe 2 armë të ftohta.
Sekuestrohen lënda narkotike, armët e ftohta dhe një shumë parash e përfituar nga shitja e lëndës.
Në vijim të punës operacionale, punës hetimore dhe asaj operative, me fokus identifikimin dhe vënien në pranga të shtetasve të implikuar në veprimtari kriminale në fushën e narkotikëve, shërbimet e Forcës së Posaçme “Shqiponja”, në bashkëpunim me specialistët e Seksionit për Hetimin e Narkotikëve, arrestuan shtetasit:
-K. B., 26 vjeç, banues në Tiranë, të cilit gjatë kontrolli fizik, iu gjet një sasi lënde narkotike Cannabis Sativa. Nga kontrollet e mëtejshme, në zonën përreth vendit të kapjes së shtetasit K. B., u gjet e fshehur te një vendparkim automjetesh, një sasi e kësaj lënde që dyshohet se i përkiste 26-vjeçarit, me qëllim shitjen;
-S. S., 27 vjeç, të cilit gjatë kontrolli fizik, iu gjet një sasi lënde narkotike Cannabis Sativa që dyshohet se posedohej me qëllim shitjen. Më tej, gjatë kontrollit iu gjetën 2 armë të ftohta, 3 celularë dhe një shumë parash e dyshuar e përfituar nga shitja e lëndës.
Materialet procedurale iu referuan Prokurorisë, për veprime të mëtejshme.
