Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Shiste kokainë në zonën e Perugias, arrestohet në Angli 40-vjeçari shqiptari i shpallur në kërkim, do vuajë dënimin mbi 4 vite burg
n.fPërditësimi i fundit 7 Nëntor 2024, 12:46
Foto ilustruese
ANGLI- Një shqiptar është vënë në pranga të hënën e 4 nëntorit në Angli. Mësohet se arrestimi i tij ka ardhur në zbatim të urdhrit të arrestit të Prokurorisë së Përgjithshme të Perugias. Shqiptari do të duhet të vuajë një dënim mbi katër vjet burg për trafik droge. Sipas mediave italiane 40-vjeçari, nga shtatori 2013 deri në tetor 2014, shpërndante kokainë, veçanërisht në zonën e Perugias.
Burri u shpall fajtor se kishte shitur disa doza kokaine në dhjetë raste, e fundit më 4 tetor 2014, në Ponte San Giovanni. Me atë rast ai i kishte shitur një burri drogë në vlerë prej 90 eurosh, ku shkëmbimi ndodhi brenda një makine në prani të vajzës së tij trevjeçare.
I arrestuari ishte shpallur në kërkim që prej majit të vitit 2024, ai u gjurmua falë hetimeve që çuan përfundimisht në kapjen e tij në Angli, nga zyra e kolateralit të Interpolit në Mançester, në bashkëpunim me Shërbimin e Bashkëpunimit Ndërkombëtar të Policisë së Romës. Veprimtaria hetimore e kryer nga zyra e SDI-së e Prokurorit të Përgjithshëm, e përbërë nga efektivë të policisë së burgjeve, bëri të mundur monitorimin e të gjitha lëvizjeve të të arratisurit në pika të ndryshme të Londrës.
Për Prokurorinë e Përgjithshme të Perugias, ky është urdhri i parë i arrestit pas daljes së Mbretërisë së Bashkuar nga Bashkimi Evropian në vitin 2020. Në rastin konkret, arrestimi bëhet në bazë të marrëveshjeve tregtare dhe të bashkëpunimit të nënshkruara ndërmjet Mbretërisë së Bashkuar dhe BE-së, të cilat parashikojnë Taca (urdhër të Marrëveshjes së Tregtisë dhe Bashkëpunimit) si masë që do të lëshohet në rast se i arratisuri gjendet në territorin britanik. I dënuari pret të ekstradohet në Itali.
