Në 20 ditë protestë përpara Kryeministrisë, Edi Rama ka dalë disa herë për t’iu përgjigjur protestuesve. He...
AKTUALITET
SKANDAL/ Ishulli i Tongos dhe Gjiri i Ftelias privatizohen me çadra e shezlongë
PiranjatPërditësimi i fundit 22 Qershor 2026, 14:48
Teksa në Shqipëri vazhdojnë debatet dhe protestat për mbrojtjen e hapësirave publike dhe pasurive natyrore, në skajin më jugor të vendit po ndodh një tjetër transformim që ka ngritur shqetësime mes vizitorëve të zonës.
Bëhet fjalë për Ishullin e Tongos dhe Gjirin e Ftelias, dy prej zonave më të paprekura dhe më të veçanta të bregdetit shqiptar, të cilat deri pak kohë më parë konsideroheshin ndër hapësirat e fundit të virgjëra të mbrojtura nga Parku Kombëtar i Butrintit.
Pamjet tregojnë vendosjen e çadrave dhe shezlongëve privatë në Ishullin e Tongos, duke ndryshuar ndjeshëm natyror të një zone që për vite me radhë ishte simbol i natyrës së paprekur. Vizitorët denoncojnë se hapësirat që dikur frekuentoheshin lirshëm nga turistët dhe banorët vendas po shndërrohen gradualisht në zona të kontrolluara nga oligarkët të cilët tregohen të pamëshirshëm ndaj vizitorëve.
Këta të fundit shtrojnë pyetjen: si është e mundur që një ishull i pabanuar, i njohur për vlerat e tij natyrore dhe ekologjike, të kthehet në një biznes privat, ndërsa institucionet që kanë detyrë mbrojtjen e këtyre pasurive heshtin?
Ata e konsiderojnë këtë një tjetër hap drejt humbjes së hapësirave publike dhe natyrore, në një kohë kur pjesë të mëdha të vijës bregdetare shqiptare janë zënë tashmë nga struktura private dhe aktivitete komerciale.
