Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
AKTUALITET
Skandal/ Muret dhe tavani i maternitetit të mbuluara nga myku e lagështia
PiranjatPërditësimi i fundit 8 Dhjetor 2025, 09:09
Një situatë skandaloze është regjistruar në Maternitetin e qytetit të Lushnjes, aty ku dhjetëra nëna drejtohen për të lindur të vegjëlit e tyre.
Në foto shihet se muret e spitalit dhe tavani janë të mbuluara nga myku dhe lagështia, duke rrezikuar kështu jetën e nënave dhe foshnjave të porsalindura.
Në një kohë kur qeveria Rama flet për shëndetësi falas dhe kushte europiane, asnjëra nga këto nuk përputhet me realitetin dhe ky nuk është rasti i parë që nxjerr zbuluar propagandën.
Qytetarja e cila denoncon rastin, thotë se kjo situatë është një alarm serioz dhe kërkon reagim të menjëhershëm.
“Video që ju nisa është Spitali i Lushnjes në kushte të tmerrshme, duket sikur jemi në ato filmat Resident Evil. Materniteti i Lushnjës, aty ku nis jeta!” Nëse hyrja dhe shkallët e një reparti kaq të rëndësishëm janë në këtë gjendje dramatike, me të drejtë lind pyetja: Si mund të jetë brenda? Çfarë standardesh kanë dhomat ku nënat sjellin në jetë fëmijët e tyre? Kjo situatë është një alarm serioz dhe kërkon reagim të menjëhershëm të institucioneve, sepse asnjë qytet, e aq më pak një maternitet, nuk duhet të funksionojë në kushte që rrezikojnë shëndetin e nënave dhe foshnjave”,- shprehet qytetarja.
