Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
“Skedina 1”/ Vinin baste sportive online, arrestohet 3 persona në Maliq, procedohen dy të tjerë
n.fPërditësimi i fundit 3 Gusht 2024, 12:03
Foto ilustruese
MALIQ- Tre persona janë vënë në pranga në Maliq. Mësohet se arrestimi i tyre ka ardhur pasi ata janë kapur teksa po vinin baste sportive. Policia bën me dije se në lidhje me operacionin janë proceduar penalisht edhe dy të tjerë.
Më tej bëhet me dije se janë sekuestruar 5 celularë. Materialet procedurale i kaluan Prokurorisë pranë Gjykatës së shkallës së Parë të Juridiksionit të Përgjithshëm Korçë.
Njoftimi:
Maliq/ Komisariati i Policisë Maliq, në vijim të punës për goditjen e veprimtarisë të paligjshme të lojërave të fatit, ka finalizuar operacionin policor “Skedina 1”. Vihen në pranga 3 shtetas dhe procedohen në gjendje të lirë 2 të tjerë që ushtronin këtë veprimtari. Sekuestrohen 5 celularë.
Si rezultat i kontrolleve të vazhdueshme nga shërbimet e Policisë, për evidentimin dhe goditjen e rasteve në fushën e lojërave të fatit, janë goditur disa raste në këtë fushë. Në përfundim të veprimeve procedurale për këto raste u arrestuan shtetasit:
R. G., 21 vjeç, banues në fshatin Velitërne, Maliq dhe G. E., 39 vjeç, banues në Pogradec, pasi në celularët e tyre janë konstatuar faqe për vënien e basteve sportive;
K. M., 28 vjeç, banues në fshatin Orman, Maliq, pasi në lokalin në pronësi të babait të tij, shtetasit M. M., u konstatua duke vënë baste sportive, në celularin e tij.
Gjithashtu u referuan materialet në Prokurori, ku filloi procedimi në gjendje të lirë për veprën penale "Organizimi ose ushtrimi i veprimtarive të lojrave të fatit, në kundërshtim me ligjin", për babanë e 28-vjeçarit, shtetasin M. M., 52 vjec, si dhe për shtetasin E. H., 29 vjec, banues në fshatin Orman, Maliq, pasi ushtronin të njëjtën veprimtari të paligjshme.
Në cilësinë e provës materiale u sekuestruan 5 celularët që përdoreshin nga këta shtetas, për këtë veprimtari të paligjshme. Materialet procedurale i kaluan Prokurorisë pranë Gjykatës së shkallës së Parë të Juridiksionit të Përgjithshëm Korçë.
