Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
U gjetën në një market, sekuestrohen fishekzjarrë në Maliq
PiranjatPërditësimi i fundit 31 Dhjetor 2025, 10:38
Teksa na ndajnë pak orë nga ndërrimi i viteve, policia është angazhuar në terren për evidentimin e rasteve të tregtimit të paligjshëm të lëndëve pirotenike.
Kështu në një market në Maliq u zbuluan fishekzjarrë, të cilët janë sekuestruar, ndërsa nisi procedimi për pronaren e këtij biznesi.
Njoftimi i policissë
Maliq / Kontrolle për ndalimin e tregtimit të kundërligjshëm të lëndëve piroteknike. Në prag të festave të fundvitit, shërbimet e Komisariatit të Policisë Maliq kanë intensifikuar kontrollet për ndalimin e tregtimit të kundërligjshëm të lëndëve piroteknike nga subjekte të paautorizuara.
Si rezultat i kontrolleve, u konstatua një market, në të cilin mbaheshin në mënyrë të paligjshme sasi lëndësh piroteknike, me qëllim shitjen e tyre. Në vijim të veprimeve procedurale, u referuan materialet në Prokurori, ku nisi procedimi penal për pronaren e marketit që i tregtonte konkretisht:
E. M., 43 vjeçe, banuese në Maliq, pasi në marketin e saj u gjetën 48 kuti me lëndë piroteknike (2899 kapsolla), të cilat u sekuestruan në cilësinë e provës materiale. Materialet procedurale iu referuan Prokurorisë së Korçës, për veprime të mëtejshme.
