Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
"SPAK të nisë hetimet", Vangjeli: Bashkëshorti dhe vjehrri i Delina Ibrahimaj me hotele në jug dhe biznese
r.llPërditësimi i fundit 11 Maj 2024, 12:00
greta vangjeli
TIRANË- Zëdhënësja e Anti-Korrupsionit në Partinë Demokratike, Gerta Vangjeli në një deklaratë për mediat ditën e sotme ka kërkuar nga SPAK që të hetojë bizneset e bashkëshortit të ministres së Sipërmarrjes, Delina Ibrahimaj.
Vangjeli ka publikuar dokumentat me të dhënat e QKR ku bashkëshorti i Delina Ibrahimajt rezulton të jetë drejtues i një hoteli në Qeparo, biznes i regjistruar ne emër të babait të tij. Po ashtu ai figuron pronar i tre bizneseve të tjera për të cilat, zëdhënësja e anti-korrupsionit kërkon hetim.
Vangjeli thotë se është koha që Delina Ibrahimaj, së bashku me familjarët të sqarojnë burimin e të ardhurave dhe procedurat e kalimit të pronësisë hoteli në Qeparo,Vlorë, dhe procedurat ligjore që u ndoqën për ndërtimin e hotelit.
DEKLARATA:
Edi Rama mesa duket është i vendosur që përpara se të largohet nga detyra e KM të sigurohet që të gjithë familjarët e ministrave të tij të pajisen me pasuri e biznese, bare e restorante por mbi të gjitha hotele në territore të lakmuara në bregdet.
Ministrat e Ramës nuk bëjnë kujdes as t’i fshehin aktivitetet private të familjarëve të tyre për të shmangur konfliktin e interesit.
I vetmi kujdes që tregojnë është për të fshehur plagosjet që bëjnë, siç është rasti i bashkëshortit të ministres Delina Ibrahimaj, që u ‘arkivua’ nga policia pas presionit politik. Ibrahimaj duhet të ishte dorëhequr tashmë nga detyra publike për shkak fshehjes së veprës penale të kryer nga bashkëshorti i saj.
Bashkëshorti ka disa aktivitete tregtare.
Referuar vetëdeklarimeve pranë ILDKPI, bashkëshorti i saj Andri Përparim Ibrahimaj rezulton:
1. Drejtues në hotelin super luksoz me pronar babain e tij, ‘Atlantid Hospitality’ në Qeparo, në bregun e detit.
2. Pronar i subjektit tregtar ‘Baçja’ shpk me objekt ushtrim aktiviteti bar- restorant etj.
3. Pronar i subjektit tregtar ‘Red Field Farm’ shpk, me objekt Mbjellje, kultivim dhe tregtim fruta – perime te llojeve te ndryshme etj, me adresë në Kurbin.
4. Pronar i subjektit tjetër tregtar ‘Te Baçja’ shpk me nr tjetër identifikimi por me objekt e adresë të njëjtë të ushrimit të aktivitetit me sa më lart.
Meqenëse ligjin për konfliktin e interesit vlerëson se kur aksionet e pronësisë të regjistruara në emër të personit të lidhur me zyrtarin, në këtë rast në emër të vjehrrit dhe bashkëshortit të ministres, vlerësohen njësoj sikur të ishin të regjistruara në emrin e vetë zyrtares Ibrahimaj.
Është koha që Delina Ibrahimaj, së bashku me familjarët të sqarojë opinionin publik dhe SPAK, lidhur me:
1. Burimin e të ardhurave dhe procedurat e kalimit të pronësisë së pasurisë nr.129/113-ND, volumi 12, faqe 187, zk.3095 në Qeparo,Vlorë, dhe procedurat ligjore që u ndoqën për ndërtimin e hotelit.
2. Arsyen e shkeljes me vetëdije të ligjit me qëllim përfitimin personal e familjar.
