Ish futbollisti i Kombëtares, Igli Tare është paraqitur këtë të enjte (4 qershor) në Prokurorinë e Posaçme Anti...
AKTUALITET
Terapia hormonale për transgjinorët, Kalaja-Ramës dhe deputetëve të PS: Provojeni te fëmijët tuaj
PiranjatPërditësimi i fundit 1 Qershor 2026, 19:04
Aktivistë të ‘koalicionit pro familjes’ kanë dalë sot duke protestuar kundër trajtimeve hormonale për personat transgjinorë. Me pankarta në duar dhe thirrje në mbështetje të familjes tradicionale, qytetarët janë mbledhur në Sheshin Skëndërbej. Kreu i PD-së në Krujë, Aulon Kalaja, në fjalën e tij për të pranishmit kritikoi qeverinë, Ministrinë e Shëndetësisë dhe shumicën parlamentare, duke kundërshtuar çdo politikë që, sipas tij, mund të ndikojë tek të miturit në çështje që lidhen me identitetin gjinor dhe trajtimet hormonale.
Kalaja u bëri thirrje autoriteteve të tërhiqen nga këto nisma, ndërsa theksoi se mbrojtja e fëmijëve duhet të jetë prioritet mbi çdo debat politik apo ideologjik.
Kalaja: Jemi këtu sot në këtë protestë për fëmijët tanë. Pa flamur politik, vetëm me flamurin shqiptar. Besoj se e keni marrë vesh që kanë shkuar deri aty saqë këtë flamur duan ta zëvendësojnë ndoshta me flamurin e LGBT-së. Imagjinoni pak sikur heroin kombëtar, Gjergj Kastrioti Skënderbeu, ta heqin nga aty dhe të vendosin bustin e Sorosit. Pra, kjo është axhenda që këta duan, apo jo?
Kjo është axhenda që këta maskarenj duan të na e sjellin për modernizim. Na gënjejnë, na thonë se e kishte Europa ligjin. Ndërkohë vetëm dy vende të Europës e kishin. Gjykata e Francës e rrëzoi, Gjykata e Shteteve të Bashkuara e rrëzoi. Pse? Sepse i mbrojnë fëmijët. Imagjinoni motra dhe vëllezër, spitalet që ne i kemi për të shëruarit me kancer, do të na kthehen tani në një vend kastrimi për fëmijët tanë. Spitalet që ne i kemi për të sëmurët tanë, që janë nga të gjashtë anët, do të na kthehen për një vend ku fëmijët tanë do të ndërrojnë organet gjenitale.
Po unë jam në këtë shesh për të bërë një zgjidhje dhe një alternativë që e kam për qeveritarët. Së pari, për ata 77 horra që e kaluan ligjin në parlament. Së dyti, për ministren e shëndetësisë. Së treti, për këtë zëvendësministren që pati kurajon dhe fytyrë të vendoste firmën e saj në atë që pamë ditën e enjte. Dhe së fundmi, për kryeministrin e Shqipërisë, zotin Edi Rama, që e pyes sot nga ky shesh: A je hajdut, ti zoti kryeministër? Se këtu nuk bëhet fjalë përfundimisht se jo e keni shtruar për punë lekësh, do paguajë 15 mijë euro shteti.
Jo mor zotëri, këtu bëhet fjalë për dinjitet, për fëmijët tanë. Prandaj propozimi im për 77 deputetët, për ministren, për kryeministrin është: Nga nesër, fëmijët tuaj t’i merrni si fillim, t’i çoni tek spitali, të implementojnë ata terapinë hormonale.
Pasi ta provoni tek fëmijët tuaj, hajdeni merrni pastaj fëmijët tanë. Fëmijët e atyre që kanë votuar ligjin, të shkojnë dhe të na tregojnë se sa i bukur është transformimi i organit gjenital. Në rast se ata nuk i çojnë fëmijët e tyre, mos t’i prekin fëmijët tanë!
