Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
“Tragjedi e paralajmëruar”/ Korreshi ngre alarmin për spitalin e Lushnjes: Bombolat e oksigjenit mund të shpërthejnë
PiranjatPërditësimi i fundit 15 Shkurt 2026, 14:26
Deputeti i Partisë Demokratike, Saimir Korreshi, ka denoncuar një situatë që e cilëson skandaloze në Spitalin e Lushnjes, duke paralajmëruar rrezik serioz për jetën e punonjësve dhe pacientëve.
Në një reagim publik, Korreshi deklaron se është vënë në dijeni të disa dokumenteve dhe relacioneve të punonjësve të repartit të oksigjenit, ku sipas tij evidentohet mungesë e theksuar e kushteve të sigurisë teknike. Sipas shkresës së datës 13 dhjetor 2024, specialistët kanë paralajmëruar për rrezik maksimal dhe mundësi katastrofe për shkak të kushteve në repartin e gazeve mjekësore.
Në dokumente përmenden edhe incidente të mëparshme, përfshirë shpërthime bombulash dhe dëmtime në rrjetin shpërndarës, ku sipas pretendimeve është rrezikuar jeta e punonjësve. Po ashtu, punonjësit kanë ngritur shqetësime për mungesë pajisjesh kundër zjarrit dhe për ruajtjen e bombulave jashtë kushteve të sigurta teknike.
Deputeti thekson se, pavarësisht masave disiplinore të mëparshme ndaj përgjegjësit të repartit, ai është riemëruar në detyrë në vitin 2025, çka sipas tij ka rritur shqetësimet për sigurinë në spital.
Korreshi ka kërkuar hetim nga organet ligjzbatuese dhe ndërhyrje nga Ministria e Shëndetësisë për të verifikuar situatën dhe për të përcaktuar përgjegjësitë.
