Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Tregu i sigurimeve po rritet me ritme më të ngadalta për 2024
r.llPërditësimi i fundit 25 Tetor 2024, 07:52
foto ilustruese
TIRANË- Tregu i sigurimeve po rritet me ritme më të ngadalta këtë vit. Sipas të dhënave nga Autoriteti i Mbikëqyrjes Financiare (AMF), tregu i sigurimeve për 9-mujorin 2024 arriti një vlerë të primeve të shkruara bruto prej 18.3 miliardë lekësh, me një rritje vjetore prej 7.4%. Një vit më parë, në fund të 9-mujorit rritja kishte qenë afërsisht 9.9%.
Vlerësohet se pjesërisht ngadalësimi i tregut i detyrohet efektit të kursit të këmbimit dhe faktit që një pjesë e konsiderueshme e produkteve të sigurimit shiten në euro. Sipas AMF-së, në gjysmën e parë të vitit pesha e primeve të shkruara bruto në euro kundrejt totalit u rrit në 33.2%, nga 31.2% që kishte qenë në fund të vitit 2023. Euro ka vijuar të zhvlerësohet këtë vit në kursin e këmbimit me lekun dhe aktualisht rënia vjetore e kursit ka arritur pranë nivelit të 7%.
Rritja e tregut të sigurimeve është më e ngadaltë në segmentin e tij më të madh, atë të sigurimeve të jo-jetës. Primet e shkruara bruto për 9-mujorin 2024 arritën vlerën e 16.8 miliardë lekëe, në rritje me 7.2% krahasuar me të njëjtën periudhë të vitit të kaluar.
Tregu i sigurimeve të jo-jetës vazhdon të mbështetet kryesisht te sigurimet e detyrueshme motorike. Këto produkte sollën afërsisht 66% të primeve të shkruara bruto për 9-mujorin 2024. Primet e shkruara bruto u rritën me afërsisht 8%, të mbështetura kryesisht nga sigurimi i brendshëm TPL.
Rritja të lartë këtë vit po shfaqin produkte të veçanta të sigurimit vullnetar, kryesisht sigurimi Kasko i automjeteve. Primet e shkruara bruto për këtë produkt janë rritur me pothuajse 22% krahasuar me një vit më parë, të mbështetura sidomos nga zgjerimi i biznesit të makinave me qira.
Rritje të lartë po shënojnë edhe sigurimi i përgjgjësive civile të avionëve dhe anijeve, por pesha e tyre është e papërfillshme në raport me volumin total të tregut.
Ndërsa sigurimi i pronës nga zjarri dhe forcat e natyrës, që është edhe produkti kryesor i sigurimit vullnetar, edhe këtë vit po shënon një rritje modeste. Siaps shifrave të AMF-së, primet e shkruara bruto për 9-mujorin kishin vlerën e 1.82 miliardë lekëve, me një rritje prej 3.4% krahasuar me një vit më parë.
Tregu i sigurimi të jetës edhe këtë vit po shfaq një rritje pak më të lartë krahasuar me atë të jo-jetës. Për 9-mujorin, primet e shkruara bruto u rritën me 9.2% krahasuar me një vit më parë.
Tregu i sigurimeve të Jetës vazhdon të mbështetet gjerësisht te sigurimi i jetës së debitorit. Ky produkt siguron 77% të numrit të përgjithshëm të kontratave dhe më shumë se 80% të volumit total të primeve të shkruara bruto. Produkti i jetës së debitorit është i lidhur pothuajse tërësisht me ecurinë e kredisë bankare. Shumica e bankat kërkojnë sigurim jete për kontratat e kredisë bankare afatgjata dhe në shuma të mëdha.
Zakonisht, këto kontrata sigurimi kërkohen në kreditë me qëllim blerjen e pasurive të paluajtshme. Rritja e kontratave të sigurimit të jetës së debitorit është në mënyrë të tërthortë edhe i financimeve të bankave për kredi hipotekare dhe i nivelit të kërkesës në tregun e pasurive të paluajtshme. /MONITOR
