Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
AKTUALITET
Tritoli në restorantin në Fushë Krujë/ Identifikohet autori i vënies së eksplozivit, vihet në pranga bashkëpunëtori i tij (EMRAT)
r.llPërditësimi i fundit 10 Shkurt 2025, 11:52
autori
FUSHË KRUJË- Një 41-vjeçar është arrestuar lidhur me vënien e tritolit në restorant "Brazili" në Fushë Krujë mbrëmjen e 31 janarit. Në pranga është vënë shtetasi Mondi Topalli.
Nga hetimet lidhur me ngjarjen rezultoi se Topalli është bashkëpunëtor i autorit kryesor të ngjarjes, shtetasit Mirgen Zalla. Ky i fundit pasi ka vendosur lëndën plasëse në lokal është larguar nga vendi i ngjarjes me automjetin e 41-vjeçarit të arrestuar.
Gjatë kontrollit në banesën e autorit janë gjetur dhe sekuestruar një armë gjahu pa leje, një armë sportive dhe municion.
NJOFTIMI I POLICISË:
Krujë
Vijojnë hetimet intensive për zbardhjen dhe dokumentimin e plotë ligjor të ngjarjes me datë 31.01.2025, ku u dëmtua me lëndë plasëse, fasada e një lokali në Fushë Krujë.
Si rezultat e hetimeve të thelluara identifikohet autori kryesor i vendosjes së lëndës eksplozive dhe vijon puna për kapjen e tij.
Po në vijim të punës, është kapur dhe vënë në pranga 41-vjeçari i shpallur në kërkim më parë për këtë ngjarje.
Nga hetimet rezultoi se 41 vjeçari është bashkëpunëtor i autorit kryesor të ngjarjes.
Sekuestrohen armë gjahu, armë sportive dhe municion luftarak.
Si rezultat i veprimeve hetimore dhe operacionale të kryera me qëllim zbardhjen dhe dokumentimin e plotë të ngjarjes së ndodhur me datë 31.01.2025, ku u dëmtua me lëndë plasëse, fasada e një lokali në Fushë Krujë, kanë bërë të mundur identifikimin dhe shpalljen në kërkim të autorit të ngjarjes shtetasin M. Z., 40 vjeç si dhe kapjen dhe ndalimin e shtetasit M. T., 41 vjeç, i identifikuar si bashkëpunëtori i shtetasit M. Z.
Shtetasi M. Z., dyshohet se ka vendosur lëndën plasëse në lokalin e shtetasit B. T., dhe më pas është larguar nga vendi i ngjarjes me automjetin e shtetasit M. T.
Gjatë kontrollit të banesës së shtetasit M. Z., shërbimet e Policisë kanë gjetur e sekuestruar një armë gjahu pa leje, një armë sportive dhe municion.
Shërbimet e Policisë po punojnë për kapjen e shtetasit M. Z.
Materialet procedurale iu referuan Prokurorisë së Tiranës, për veprime të mëtejshme.
