Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
AKTUALITET
Lëvizja/ Turkish Airlines shet aksionet e Air Albania
PiranjatPërditësimi i fundit 19 Nëntor 2025, 17:46
Kompania turke, Turkish Airlines njoftoi këtë të mërkurë për shitjen e 49 për qind të akasioneve që zotëronte në kompaninë shqiptare, Air Albania shpk. në pronësi të biznesmenit, Sinan Idrizi.
Në një komunikatë për Platformën e Zbulimit Publik (KAP), kompania Turkish Airlines njoftoi shkurtimisht se: “Bordi ynë i Drejtorëve ka vendosur të shesë të gjitha aksionet e Air Albania SHPK, në të cilën Partneriteti ynë zotëron 49%”, duke theksuar se për investitorët do të jepen informacioneve të mëtejshme në vazhdim.
Turkish Airlines hyri në një partneritet strategjik me Air Albania që prej themelimit të saj – bashkë me kompaninë MDN Investment dhe autoritetin shtetëror Albcontrol.
Kjo lëvizje vjen në një kohë kur Turkish Airlines po rishikon investimet e saj ndërkombëtare dhe strategjinë e zgjerimit.
Turkish Airlines planifikoi në muajin gusht një ofertë detyruese për një paketë aksionesh jo-kontrolluese në Air Europa, duke kërkuar të zgjerojë shtrirjen e saj me një transportues që specializohet në fluturime nga Spanja në të gjithë Evropën dhe në tregjet e huaja si Amerika Latine dhe Karaibet.
Transportuesi me seli në Stamboll fluturon në më shumë destinacione ndërkombëtare se çdo linjë tjetër ajrore.
Kujtojmë se në muajin shtator të këtij viti, një kompani amerikane nga Florida ngriti padi Air Albania, si i pandehur i parë, dhe Turkish Airlines si i pandehur i dytë, para Gjykatës së Lartë të Anglisë dhe Uellsit, duke pretenduar shkelje të kontratave të qirasë për dy avionë të tipit A320-200. "Në shkelje të mëtejshme të kontratës, Air Albania nuk ka arritur ta ridorëzojë avionin; dhe vazhdon të operojë në mënyrë të paligjshme avionin 3676 [ZA-ASM]," shkruan kompania amerikane në padi.
