Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
AKTUALITET
U kap me 40 kg kokainë dhe 189 mijë euro cash, arrestohet 53-vjeçari shqiptar në Itali
E.DPërditësimi i fundit 20 Prill 2025, 13:39
ITALI- Një 53-vjeçar shqiptar është arrestuat nga policia italiane, pasi u kap me mbi 40 kilogramë lëndë narkotike e llojit kokainë. Teksa autoritetet italiane ishin të angazhuar në shërbimet rutinë të kontrollit të territorit, efektivët kanë vënë re një automjet të dyshimtë.
Drejtuesi, në fakt, alternonte shpejtësinë e mjetit dhe nuk mbante një ritëm konstant. Për këtë arsye, efektivët e policisë kanë vendosur të vijojnë me një kontroll më të thelluar, duke urdhëruar drejtuesin e mjetit të ndalojë. Në momentin e kontrollit, shqiptari dukej nervoz dhe duke u përpjekur të justifikonte sjelljen e tij me arsye të pabesueshme, aq sa të detyronte personelin operativ të vazhdonte me kontrollin ndaj tij dhe makinës së tij.
Nga kontrollet autoritetet italiane i gjetën shqiptarit kokainë. Gjithashtu oficerët e policisë e shtrinë kontrollin në një garazh në pronësi të 53-vjeçarit, ku gjetën edhe 39 blloqe të tjera me drogë të të njëjtit lloj, me peshë mbi 40 kilogramë dhe afërsisht 189.000 euro para cash, me sa duket të ardhura nga shitja e drogës.
Lënda narkotike, sipas përllogaritjeve të policisë, do të sillte në treg rreth 4 milionë euro. I dërguar në komisariat për kryerjen e aktiviteteve rituale, 53-vjeçari u arrestua për veprën penale të posedimit të lëndëve narkotike për qëllime tregtimi. Me urdhër të Prokurorit Publik, ai u mbajt në burgun e Perugias Capanne, në pritje të seancës për validim.
